കൊച്ചി കൊക്കെയിന് കേസ്; പോലീസിനു വേണ്ടി കവിതാ പിള്ള പണം ആവശ്യപ്പെടുന്ന ഫോണ്സംഭാഷണം പുറത്ത്
ഇവള് പോലീസിന്റെ ദല്ലാളോ, മയക്കുമരുന്ന് കേസില് നിന്നും \'ഊരാന്\', മെഡിക്കല് സീറ്റ് തട്ടിപ്പു കേസിലെ പ്രതി കവിത പിള്ള; പോലീസിനു വേണ്ടി പണം ആവശ്യപ്പെടുന്ന ഫോണ്സംഭാഷണം പുറത്ത്
കൊച്ചിയില് ലക്ഷങ്ങള് വാങ്ങി കേസുകള് ഒതുക്കിതീര്ക്കാന് പോലീസിന് ഇടനിലക്കാര്. നഗരത്തിലെ പോലീസ് സ്റ്റേഷനുകള് കേന്ദ്രീകരിച്ചാണ് ഇവരുടെ പ്രവര്ത്തനങ്ങള് നടക്കുന്നത്. ഫെബ്രുവരി രണ്ടിന് മയക്കുമരുന്ന് കേസില് അറസ്റ്റിലായ കൗമാരക്കാരെ കേസില് നിന്ന് ഒഴിവാക്കാന് മെഡിക്കല് സീറ്റ് തട്ടിപ്പ് കേസിലെ പ്രതി കവിത പിള്ള പോലീസിന്റെ ഇടനിലക്കാരിയായി സംസാരിക്കുന്നതിന്റെ ശബ്ദരേഖ പുറത്തുവന്നു. ഒരു വാര്ത്താ ചാനലാണ് ശബ്ദരേഖ പുറത്തുവിട്ടത്.
കവിത പിള്ള പ്രതികളില് ഒരാളുടെ മാതാവിനെ വിളിച്ച് പണം ആവശ്യപ്പെടുകയായിരുന്നു. പണം നല്കിയില്ലെങ്കില് വീണ്ടും അറസ്റ്റുണ്ടാവുമെന്നും കൂടുതല് വകുപ്പുകള് ചുമത്തുമെന്നും ശബ്ദരേഖയില് കവിത ഭീഷണിപ്പെടുത്തുന്നത് കേള്ക്കാം. വിഷയം പ്രതിയുടെ മാതാവ് പോലീസിനെ അറിയിച്ചപ്പോള് കവിതയുമായി സംസാരിക്കാനായിരുന്നു നിര്ദ്ദേശം. പണം ഉടന് നല്കിയില്ലെങ്കില് താന് ഇടനില നില്ക്കില്ലെന്നും കവിത ഇവരെ താക്കീത് ചെയ്യുന്നുണ്ട്.
കളമശേരി പോലീസും സിറ്റി പോലീസ് കമ്മീഷണറുടെ പ്രത്യേക സ്ക്വാഡും ചേര്ന്നാണ് യുവാക്കളെ അറസ്റ്റ് ചെയ്തത്. വിഷയം പ്രതിയുടെ മാതാവ് പോലീസിനെ അറിയിച്ചപ്പോള് കവിതയുമായി സംസാരിക്കാനായിരുന്നു നിര്ദ്ദേശം. സംഭവം വാര്ത്തയായിതിന് പിന്നാലെ ആഭ്യന്തരമന്ത്രി രമേശ് ചെന്നിത്തല അന്വേഷണത്തിന് ഉത്തരവിട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha