നിസാമിനെ ചോദ്യം ചോയ്തപ്പോള് തന്റെ കണ്ണ് നിറഞ്ഞെന്ന് ശോഭാസിറ്റി നിവാസികളോട് ജേക്കബ് ജോബ്
ചന്ദ്രബോസ് കൊലക്കേസിലെ പ്രതി നിസാമിനെ ചോദ്യം ചോയ്തപ്പോള് തന്റെ കണ്ണ് നിറഞ്ഞ് പോയി, വീട്ടിലെ സാഹചര്യങ്ങള്കോണ്ട് വഴിതെറ്റിപോയതാണ് ആ ചെറുപ്പക്കാരന്. ചോദ്യം ചെയ്തപ്പോള് തന്റെ വിധിയോര്ത്ത് നിസാം വിതുമ്പിയെന്ന് തൃശൂര് മുന് സിറ്റിപോലീസ് കമ്മീഷ്ണര് ജേക്കബ് ജോബ് ശോഭാ സിറ്റിയിലെ അന്തേവാസികളോട് പറഞ്ഞപ്പോള് പലരുടേയും കണ്ണ് നിറഞ്ഞു.നിസാമിനെ പിടിച്ചതിന് നേതൃത്വം നല്കിയതിന് ശോഭാസിറ്റിയിലെ അധികൃതര് നല്കിയ സ്വീകരണയോഗത്തിലാണ് കമ്മീഷണറായിരുന്ന ജേക്കബ് ജോബ് ഇപ്രകാരം പറഞ്ഞത്.
നിസാമെന്ന ചെറുപ്പക്കാരന് വീട്ടിലെ സാഹചര്യങ്ങള് കൊണ്ട് വഴി തെറ്റിയതാണെന്നും ചോദ്യം ചെയ്യലില് തന്റെ വിധിയോര്ത്ത് വിതുമ്പിയെന്നും ഇത്തരം യുവതലമുറയെ കുറ്റപ്പെടുത്തുകയല്ല തിരുത്തുകയാണ് വേണ്ടതെന്നും ജേക്കബ് ജോബ് വിശദീകരിച്ചു. ഇത് കേട്ടതോടെ നിസാമിനെ ശോഭാസിറ്റിയില് നിന്ന് പുറത്താക്കാനുള്ള തീരുമാനം അധികൃതര് പിന്വലിച്ചു.
ഉന്നത ബന്ധങ്ങളുള്ള നിസാമിനെ പൊലീസ് പൊക്കിയതോടെ ജേക്കബ് ജോബ് ഹീറോയായി. പാവം കോടിശ്വരനായി നിസാമിനെ ഒറ്റ പ്രസംഗത്തിലൂടെ നല്ലപുള്ളിയായി ശോഭാ സിറ്റിക്കാര്ക്ക് മുന്നില് ജേക്കബ് ജോബ് അവതരിപ്പിച്ചു. ഇതിനെല്ലാം ശേഷമാണ് നിസാമിനെ സഹായിച്ചത് ജേക്കബ് ജോബാണെന്ന് ഫ്ളാറ്റുകാര് തിരിച്ചറിഞ്ഞത്. കമ്മീഷണറുടെ വാക്കുകേട്ട തങ്ങളെ അടിക്കണമെന്നാണ് ഫ്ലാറ്റിലെ അന്തേവാസികള് ഇപ്പോള് പറയുന്നത്. നിസാമിനെ സഹായിക്കാന് മുന്നില് നിന്നത് ജേക്കബ് ജോബായിരുന്നു.
നിസാമിനെ രഹസ്യമായി ചോദ്യംചെയ്ത സംഭവത്തില് ജേക്കബ് ജോബിനെ സസ്പെന്റ് ചെയ്യുകയും ചെയ്തു. ചോദ്യം ചെയ്തതില് ചട്ടലംഘനം നടത്തിയെന്ന ഐ.ജി. ടി.ജെ.ജോസിന്റെ അന്വേഷണ റിപ്പോര്ട്ടിനെ തുടര്ന്നാണ് സസ്പെന്ഷന്. റിപ്പോര്ട്ട് പരിഗണിച്ച ഡി.ജി.പി. കെ.എസ്. ബാലസുബ്രഹ്മണ്യന് നടപടിക്ക് ശുപാര്ശചെയ്ത് ആഭ്യന്തര വകുപ്പിന് കൈമാറി. ഇതേത്തുടര്ന്നാണ് ജേക്കബ് ജോബിനെ അന്വേഷണവിധേയമായി സസ്പെന്ഡ് ചെയ്യാന് മുഖ്യമന്ത്രി ഉമ്മന് ചാണ്ടി ഉത്തരവിട്ടത്. കേസിലെ പ്രതിയായ മുഹമ്മദ് നിഷാമിനെ ജേക്കബ് ജോബ് തനിച്ച് ചോദ്യംചെയ്തത് ശരിയായ നടപടിയല്ലെന്ന് ചൂണ്ടിക്കാട്ടി ടി.ജെ. ജോസ് എ.ഡി.ജി.പി. ശങ്കര് റെഡ്ഡിക്ക് റിപ്പോര്ട്ട് നല്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha