ബസില് നിന്നും ചര്ദ്ദിക്കാനായി തല വെളിയിലേക്കിട്ട എട്ട് വസുകാരി ലോറിയിടിച്ച് മരിച്ചു
ആ യാത്ര അന്ത്യയാത്രയാകുമെന്ന് ആരും കരുതിയില്ല. സ്വന്തം മടിയിലിരുന്ന് കിന്നാരം പറഞ്ഞ് കൊണ്ടിരുന്ന മോള്ക്കാമെല്ലോ ഇത് സംഭവിച്ചതെന്ന് പിതാവ് സലിന് ഇതുവരെ വിശ്വസിക്കാനായിട്ടില്ല. അച്ഛനും അമ്മയ്ക്കും സഹോദരനുമൊപ്പം ബസില് യാത്ര ചെയ്ത എട്ടുവയസുകാരി ഷാന ഷെരിനാണ് ചര്ദ്ദിക്കാനായി തല വെളിയിലേക്കിട്ടപ്പോള് ലോറിയിടിച്ച് മരിച്ചത്. ഇടിയുടെ ആഘാതത്തില് തലയുടെ പരുതി ഭാഗം ചിതറിപ്പോയി. പാലക്കാട് പട്ടാമ്പി സ്വദേശികളുമായ സലിന് സെലീന ദമ്പതിമാരുടെ മകളാണ് മരിച്ച ഷാന.
വീരാജ്പേട്ട മാതപുറം ഓസ്ക്കോട്ടയിലാണ് ഇവര് താമസിക്കുന്നത്. ശനിയാഴ്ച രാവിലെ 10 മണിയോടെ മാതാപുറത്തുനിന്ന് കര്ണാടക സ്റ്റേറ്റ് ബസ്സില് വീരാജ്പേട്ടയിലേക്ക് വരുമ്പോഴാണ് അപകടം. കാക്കോട്ടുപറമ്പ് എന്ന സ്ഥലത്തെത്തിയപ്പോഴാണ് ഛര്ദ്ദിക്കാന് തോന്നിയ ഷാന തല പുറത്തിട്ടത്. അപ്പോള് വീരാജ്പേട്ടയില്നിന്ന് മൂര്നാട്ടേക്ക് കോഴികയറ്റി പോവുകയായിരുന്ന ലോറിക്ക് കുട്ടിയുടെ തലയിടിക്കുകയായിരുന്നു. ഇടിയില് ഷാനയുടെ തലയുടെ പകുതിഭാഗം ചിന്നിച്ചിതറി ഉടനടി മരണം സംഭവിക്കുകയായിരുന്നു.
കണ്ണൂരിലെത്തി തീവണ്ടിക്ക് പട്ടാമ്പിയിലേക്ക് പോകാന് പുറപ്പെട്ടതായിരുന്നു കുടുംബം. ഷാന ഷെരിന് രണ്ടാംക്ലാസ് വിദ്യാര്ത്ഥിനിയാണ്. മൃതദേഹം വീരാജ്പേട്ട താലൂക്ക് ആശുപത്രിയിലെത്തിച്ച് പോസ്റ്റ്മോര്ട്ടം നടത്തി. ഷാഹിലാണ് ഷാനയുടെ ഏക സഹോദരന്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha