പത്മനാഭ സ്വാമി ക്ഷേത്രത്തിലെ സ്വര്ണമോ ഒരു തരി മണ്ണോ രാജകുടുംബത്തിനു വേണ്ടെന്ന് അശ്വതി തിരുനാള് ഗൗരി ലക്ഷ്മി ഭായി
ശ്രീപത്മനാഭ സ്വാമി ക്ഷേത്രത്തിലെ സ്വര്ണമോ രത്നമോ ഒരു തരി മണ്ണോ തിരുവിതാംകൂര് രാജകുടുംബത്തിനു വേണ്ടെന്ന് അശ്വതി തിരുനാള് ഗൗരി ലക്ഷ്മി ഭായി പറഞ്ഞു. കേരള പുരാണ പാരായണ സംഘടനയുടെ സംസ്ഥാന സ്പെഷല് കണ്വന്ഷന് ഉദ്ഘാടനം ചെയ്യുകയായിരുന്നു അവര്. ക്ഷേത്രത്തില് വലിയ സമ്പത്ത് ഉണ്ടെന്ന് അറിയുന്നതിനു മുന്പു ശ്രീപത്മനാഭനെ ആര്ക്കും വേണ്ടായിരുന്നു. രാഷ്ട്രീയക്കാരും ജനകീയ സമിതിക്കാരും സേവകരും അന്ന് ഇല്ലായിരുന്നു.
സ്വത്ത് ഉണ്ടെന്നു മനസ്സിലായപ്പോള് അവകാശത്തിനും അധികാരത്തിനും ആളുകള് എത്തുകയാണ്. രാജകുടുംബത്തിന് അന്നും ഇന്നും ശ്രീപത്മനാഭന്റെ ദാസര് ആയിരിക്കണമെന്നേ ആഗ്രഹമുള്ളു. ക്ഷേത്രത്തിലെ സ്വത്ത് ശ്രീപത്മനാഭന്റേതു മാത്രമായിരിക്കണം. പലതും പറയണമെന്നുണ്ടെങ്കിലും കോടതി അലക്ഷ്യമാകുമെന്നതിനാല് മൗനം പാലിക്കുകയാണ്. പുരാണ പാരായണക്കാരുടെ പെന്ഷന് മുടങ്ങിയതു വേദനാജനകമാണ്. പെന്ഷന് വിതരണം പുനരാരംഭിക്കണമെന്നു ഗൗരി ലക്ഷ്മി ഭായി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha