കോടതിയുടെ പരാമര്ശം അതിരു വിട്ടത്; ഇനിയും നിര്ദേശങ്ങള് നല്കാന് മടിക്കില്ല; ബാര് വിഷയത്തില് കോടതിയെ രൂക്ഷമായി വിമര്ശിച്ച് വിഎം സുധീരന്
ബാര് ലൈസന്സ് വിഷയത്തില് കെപിസിസി ഇറക്കിയ സര്ക്കുലര് നിയമ വിരുദ്ധമാണെന്ന ഹൈക്കോടതിയുടെ പരാമര്ശത്തോട് ശക്തമായി വിയോജിക്കുന്നതായി വി.എം. സുധീരന്. കാര്യങ്ങള് മനസ്സിലാക്കാതെയാണ് കോടതിയുടെ പരാമര്ശം. കെപിസിസിയുടെ നിലപാട് വിശദീകരിക്കാന് കോടതിയില് അവസരം നല്കിയില്ല. കോടതിയുടെ പരാമര്ശം അതിരുവിട്ടതാണ്. സ്വാഭാവിക നീതിയുടെ നിഷേധമാണിത്. കേസില് കെപിസിസിയോ പ്രസിഡന്റോ കക്ഷിയല്ലെന്നും സുധീരന് കൂട്ടിച്ചേര്ത്തു.
നയങ്ങള് രൂപീകരിക്കുന്നതിലും ആവിഷ്കരിക്കുന്നതിലും പാര്ട്ടിയുടെ പങ്ക് വലുതാണ്. കേരളത്തിലെ പഞ്ചായത്ത് രാജ്, മുനിസിപ്പല് നിയമത്തിലും പാര്ട്ടികളുടെ പങ്ക് വ്യക്തമായി പറയുന്നുണ്ട്. അതുകൊണ്ട് പാര്ട്ടി സ്ഥാനാര്ഥികളായി തിരഞ്ഞെടുക്കപ്പെട്ടവര്ക്ക് ആവശ്യമായ നയരൂപരേഖ നല്കാനുള്ള അവകാശം പാര്ട്ടിക്കുണ്ട്. ഭരണഘടനയെയും നിയമവാഴ്ചയെയും ബലപ്പെടുത്തുക എന്ന സദുദ്ദേശത്തോടെയാണിത്. അതുകൊണ്ട് നിയമ വിദഗ്ധരുമായി കൂടിയാലോചിച്ച ശേഷം തുടര് നടപടി തീരുമാനിക്കും.
സമാന്തര ഭരണഘടനാ സംവിധാനമെന്ന പരാമര്ശത്തോടു വിയോജിക്കുന്നു. തദ്ദേശ സ്വയംഭരണ സ്ഥാപനങ്ങള്ക്കോ അതിന്റെ സെക്രട്ടറിമാര്ക്കോ അല്ല പാര്ട്ടി മാര്ഗ നിര്ദേശങ്ങള് നല്കിയത്. കോണ്ഗ്രസ് സ്ഥാനാര്ഥികളായി തിരഞ്ഞെടുക്കപ്പെട്ട അംഗങ്ങള്ക്കാണ് ഇതു നല്കിയത്. ഭരണത്തിനു നേതൃത്വം നല്കുന്ന പാര്ട്ടി അംഗമായ അധ്യക്ഷന്മാര്ക്കും പാര്ട്ടി ഭരണത്തിലില്ലാത്ത സ്ഥലങ്ങളിലെ പ്രതിപക്ഷ നേതാക്കള്ക്കുമാണ് സര്ക്കുലര് അയച്ചത്. പ്രതിനിധികള്ക്ക് ഇനിയും നിര്ദേശങ്ങള് നല്കാന് മടിക്കില്ല, സുധീരന് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha