സുകുമാരന്‍ നായരുടെ ഫോണ്‍ ചോര്‍ത്തിയിട്ടില്ലെന്ന്‌ അന്വേഷണ റിപ്പോര്‍ട്ട്‌
30 MAY 2013 12:09 AM IST
മലയാളി വാര്‍ത്ത.
എന്‍.എസ്‌.എസ്‌ ജനറല്‍ സെക്രട്ടറി സുകുമാരന്‍ നായരുടെ ഫോണ്‍ ചോര്‍ത്തിയിട്ടില്ലെന്ന്‌ അന്വേഷണ റിപ്പോര്‍ട്ട്‌. കേസ്‌ അന്വേഷിച്ച എറണാകുളം റേഞ്ച്‌ ഐജി പത്മകുമാര്‍ വ്യാഴാഴ്‌ച ഡി.ജി.പിക്ക്‌ റിപ്പോര്‍ട്ട്‌ സമര്‍പ്പിക്കും. ആഭ്യന്തരവകുപ്പ്‌ സുകുമാരന്‍ നായരുടെ ഫോണ്‍ ചോര്‍ത്തിയിട്ടില്ലെന്നാണ്‌ പ്രാഥമിക അന്വേഷണ റിപ്പോര്‍ട്ടില്‍ വ്യക്തമാക്കിയിരിക്കുന്നത്‌. ആവശ്യമെങ്കില്‍ കൂടുതല്‍ അന്വേഷണം നടത്താമെന്നും റിപ്പോര്‍ട്ടില്‍ പറയുന്നു.
ആഭ്യന്തരവകുപ്പ്‌ തന്റെ ഫോണ്‍ ചോര്‍ത്തുന്നുവെന്ന സുകുമാരന്‍ നായരുടെ ആരോപണത്തെ തുടര്‍ന്നാണ്‌ വകുപ്പ്‌ മന്ത്രി തിരുവഞ്ചൂര്‍ രാധാകൃഷ്‌ണന്‍ അന്വേഷണത്തിന്‌ ഉത്തരവിട്ടത്‌. ഐജി കഴിഞ്ഞ ദിവസം എന്‍.എസ്‌.എസ്‌ ആസ്ഥാനത്തെത്തി സുകുമാരന്‍ നായരുടെ മൊഴിയെടുത്തിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
