2014ല് മദ്യപിച്ച് വാഹനം ഓടിച്ചവര് 20 പേര് മാത്രം, 2014ല് ഇരു ചക്ര വാഹനങ്ങളാണ് ഏറ്റവുമധികം അപകടത്തില്പെട്ടതെന്നും കണക്കുകള്
കേരളത്തില് മദ്യപിച്ച് വാഹനം ഓടിക്കുന്നവരുടെ എണ്ണം കുറയുന്നു. 2014 ല് മദ്യപിച്ച് വാഹനം ഓടിച്ച കേസുകള് 20 എണ്ണം മാത്രം. സംസ്ഥാന ക്രൈം റെക്കോര്ഡ്സ് ബ്യൂറോയാണ് കണക്കുകള് പുറത്തു വിട്ടത്. മദ്യപിച്ച് വാഹനമോടിച്ച് അപകടമുണ്ടാക്കിയവരില് 2014 ല് മരിച്ചത് 10 പേര് മാത്രമാണെന്നും കണക്കുകള് പറയുന്നു. ഇരു ചക്ര വാഹനങ്ങളാണ് 2014 ല് ഏറ്റവുമധികം അപകടത്തില്പെട്ടത്. 28,546 എണ്ണം. കെഎസ് ആര്ടിസി ബസുകള് അപകടമുണ്ടാക്കിയ വകയില് 195 പേര് മരിച്ചു. ഡ്രൈവറുടെ അശ്രദ്ധയാണ് പലപ്പോഴും അപകടങ്ങള്ക്ക് കാരണമാകുന്നതെന്നും ക്രൈം റെക്കോര്ഡ്സ് ബ്യൂറോയുടെ കണക്കുകളില് പറയുന്നു.
അതേസമയം മദ്യപിച്ച് വാഹനം ഓടിച്ച് അപകടത്തില് പെട്ടാലും കേസ് വരുമ്പോള് മറ്റെന്തെങ്കിലുമാകാറുണ്ടെന്ന് ആക്ഷേപമുണ്ട്. പോലീസും അപകടം ഉണ്ടാക്കുന്നവരും തമ്മിലുള്ള ഒത്തുകളിയാണ് ഇതിന് പിന്നിലെന്നും പറയപ്പെടുന്നു.
കഴിഞ്ഞ പത്തു വര്ഷത്തിനിടെ 3,74,592 വാഹനാപകടങ്ങളാണ് ഉണ്ടായത്. ഇതില് പരിക്കേറ്റവരുടെ എണ്ണം നാലരലക്ഷത്തോളം വരും. കഴിഞ്ഞ നാല് വര്ഷത്തിനിടയില് വാഹനാപകടങ്ങളുടെ എണ്ണം കാര്യമായി കുറഞ്ഞു എന്നും പറയപ്പെടുന്നു. 2014 ല് 36,282 വാഹനാപകടങ്ങളുണ്ടായി, ഇതില് 4049 പേര് മരിച്ചു. എറണാകുളത്താണ് ഏറ്റവുമധികം അപകടങ്ങള് ഉണ്ടായത്. അപകടത്തില് രണ്ടാം സ്ഥാനം തിരുവനന്തപുരത്തിനാണ്. ഏറ്റവും കുറച്ച് വാഹനാപകടങ്ങള് നടക്കുന്നത് വയനാട്ടിലാണ്.
ഋഷിരാജ്സിംഗ് ഗതാഗത കമ്മീഷണറായിരുന്ന കാലയളവിലാണ് അപകടങ്ങള് ഏറ്റവും കുറവ്. ഋഷിരാജ് സിംഗിന്റെ പരിഷ്ക്കാരങ്ങള് ഫലം കണ്ടെന്നു തന്നെയാണ് കരുതുന്നത്. ദേശീയ പാതയില് സ്ഥാപിച്ച ക്യാമറകള് ഗുണകരമാണെന്ന് പോലീസ് സാക്ഷ്യപ്പെടുത്തുന്നു. വാഹനനിയമ ലംഘനങ്ങളുടെ പിഴ വര്ദ്ധിപ്പിച്ചതും അപകടങ്ങള് കുറയ്ക്കാന് കാരണമായി മാറി. അതേസമയം മദ്യപിച്ച് വാഹനം ഓടിക്കുന്നത് പോലുള്ള കുറ്റകൃത്യങ്ങള് കുറയുന്നത് പോലീസിനും മോട്ടോര് വാഹന വകുപ്പിനും നേരേ ആക്ഷേപങ്ങള് ഏല്ക്കുമെന്ന് ഉറപ്പ്. ഒരു വര്ഷം മദ്യപിച്ച് വാഹനം ഓടിച്ച് ശിക്ഷ വാങ്ങിയവര് 20 പേര് മാത്രമാണെന്ന് പറയുന്നത് അതിശയോക്തി തന്നെയാണ്. മദ്യപാനം വാഹനാപകടത്തിന് വഴി മാറുമ്പോള് ആവശ്യാനുസരണം കൈക്കൂലി പോലീസുകാരുടെ പോക്കറ്റില് വീഴാറുണ്ടെന്നത് പരസ്യമായ രഹസ്യമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha