മലയാളത്തിന്റെ ശ്രേഷ്ഠ ഭാഷാ പദവിയെ ചോദ്യം ചെയ്ത് തമിഴ്നാട്ടില് ഹര്ജി
മലയാളത്തിന് ശ്രേഷ്ഠ ഭാഷാ പദവി നല്കിയതിനെതിരെ തമിഴ്നാട്ടില് ഹര്ജി. മലയാളത്തിന് ശ്രേഷ്ഠ ഭാഷാ പദവിയ്ക്കുള്ള അര്ഹതയില്ലെന്നാണ് മദ്രാസ് ഹൈക്കോടതിയില് സമര്പ്പിച്ചിരിക്കുന്ന പൊതു താത്പര്യ ഹര്ജിയില് പറയുന്നത്.
ആര്.ഗാന്ധി എന്നയാളാണ് ഹര്ജിയുമായി മദ്രാസ് ഹൈക്കോടതിയെ സമീപിച്ചിരിക്കുന്നത്. ഒറിയയ്ക്ക് ശ്രേഷ്ഠ ഭാഷാ പദവി നല്കിയതിനെയും ഹര്ജിക്കാരന് ചോദ്യം ചെയ്തിട്ടുണ്ട്. ഇതു സംബന്ധിച്ച് കേന്ദ്ര സര്ക്കാരിനും കേരളാ, ഒഡീഷ്യ സര്ക്കാരുകള്ക്കും നോട്ടീസ് അയയ്ക്കാന് മദ്രാസ് ഹൈക്കോടതി നിര്ദേശിച്ചിട്ടുണ്ട്.
നിരവധി കടമ്പകള് കടന്നാണ് 2013 മേയ് 23 ന് മലയാളത്തെ ശ്രേഷ്ഠ ഭാഷയായി ഉയര്ത്തിയത്. മലയാള ഭാഷയ്ക്ക് 1500 ലേറെ വര്ഷത്തെ പഴക്കമുണ്ട്, പുരാതനമായ സാഹിത്യവും ഗ്രന്ഥങ്ങളും മലയാള ഭാഷയില് പിറവികൊണ്ടിട്ടുണ്ട്, ഭാഷയുടെ പാരമ്പര്യം തനിമയുള്ളതാണ് തുടങ്ങിയ നിരവധി നിബന്ധനകള് തെളിയിക്കപ്പെട്ട ശേഷമാണ് മലയാള ഭാഷയ്ക്ക് ശ്രേഷ്ഠ ഭാഷാ പദവി എത്തിപ്പിടിക്കാനായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha