മനസാക്ഷിക്ക് തോന്നിയത് മാത്രമേ ഞാന് ചെയ്യാറുള്ളൂ...
മനസാക്ഷിക്ക് തോന്നിയത് മാത്രമേ താന് ചെയ്യാറുള്ളൂവെന്ന് മഞ്ജു വാര്യര്. ഇനിയും അങ്ങനെ തന്നയായിരിക്കു. എന്റെ ജീവിതം എന്റേത് മാത്രം.
മോഹന്ലാലും മഞ്ജു വാരിയറും ഒന്നിച്ചെത്തുന്ന സത്യന് അന്തിക്കാട് ചിത്രം എന്നും എപ്പോഴും എന്ന ചിത്രത്തിന്റെ രണ്ടാമത്തെ ടീസറിലെ രംഗത്തിലാണ് മഞ്ജുവിന്റെ ഈ ഡയലോഗ്.
ആദ്യ ടീസറില് മോഹന്ലാലിനെ അവതരിപ്പിച്ചപ്പോള് പുതിയ ടീസറില് മഞ്ജു എത്തുന്നു. മഞ്ജുവിന്റെ വിവിധ ഗെറ്റപ്പുകള് ടീസറില് കാണാം. വിദ്യാസാഗറിന്റെ സംഗീതമാണ് മറ്റൊരു ആകര്ഷണം. 16 വര്ഷത്തിന് ശേഷം മോഹന്ലാലും മഞ്ജു വാര്യരും ഒന്നിക്കുന്ന ചിത്രമെന്ന നിലയിലും ആരാധകര് ഏറെ പ്രതീക്ഷയോടെയാണ് ഈ ചിത്രത്തെ കാത്തിരിക്കുന്നത്.
ഹൗ ഓള്ഡ് ആര് യു എന്ന ചിത്രത്തിലൂടെ കരിയറിലെ രണ്ടാം വരവ് നടത്തിയ മഞ്ജുവിന്റെ അടുത്ത ചിത്രം. ഈ വര്ഷം മോഹന്ലാല് നായകനായി എത്തുന്ന ആദ്യ ചിത്രം. സ്നേഹവീട് പുറത്തിറങ്ങി 4 വര്ഷങ്ങള്ക്ക് ശേഷം സത്യനും മോഹന്ലാലും വീണ്ടുമൊന്നിക്കുന്ന ചിത്രം. അങ്ങനെ ഒരുപാട് പ്രത്യേകതകളുമായാണ് \'എന്നും എപ്പോഴും എത്തുന്നത്.
ചിത്രത്തില് ഒരു പത്രപ്രവര്ത്തകന്റെ വേഷത്തിലാണ് മോഹന്ലാല് അഭിനയിക്കുന്നത്. അഭിഭാഷകയായി മഞ്ജു വാര്യര് എത്തുന്നു. ഇന്നസെന്റ് , റീനു മാത്യൂസ്, ഗ്രിഗറി എന്നിവരാണ് മറ്റു പ്രധാനതാരങ്ങള്. രഞ്ജന് പ്രമോദ് ആണ് തിരക്കഥ എഴുതിയിരിക്കുന്നത്. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha