മുതലാളിക്ക് മുമ്പില് പോലീസ് വെറും തൊഴിലാളി... നിസാമിന്റെ കാറിടിച്ച് ചന്ദ്രബോസ് കൊല്ലപ്പെട്ട സമയത്ത് ധരിച്ചിരുന്ന വസ്ത്രങ്ങള് പൊലീസിന്റെ കൈവശമില്ല
സെക്യൂരിറ്റി ജീവനക്കാരന് ചന്ദ്രബോസിനെ കൊലപ്പെടുത്തിയ കേസില് വിവാദ വ്യവസായി മുഹമ്മദ് നിസാമിനെ രക്ഷപ്പെടുത്താന് പൊലീസ് ശ്രമം. കേസന്വേഷണത്തില് സഹായകമാകുന്ന പല നിര്ണായക തെളിവുകളും പൊലീസിന്റെ കൈയിലില്ലെന്നാണ് അറിയുന്നത്.
നിസാമിന്റെ കാറിടിച്ച് ചന്ദ്രബോസ് കൊല്ലപ്പെട്ട സമയത്ത് ധരിച്ചിരുന്ന വസ്ത്രങ്ങള് പൊലീസിന്റെ കൈവശമില്ല. ശാസ്ത്രീയ പരിശോധനയ്ക്ക് വസ്ത്രം അയച്ചതുമില്ല. ആശുപത്രിയില് നിന്ന് ഇതു വാങ്ങാനായില്ലെന്നാണ് പൊലീസന്റെ വിശദീകരണം. ഇത് കേസന്വേഷണത്തിനു തിരിച്ചടിയാകുമെന്ന് ആരോപണമുയര്ന്നിട്ടുണ്ട്. നേരത്തെ ചന്ദ്രബോസിന്റെ മൊഴിയെടുക്കുന്നതിലും പൊലീസ് വീഴ്ച വരുത്തിയിരുന്നു.
അതിനിടെ, മുഹമ്മദ് നിസാമിനെതിരെ കാപ്പാ ചുമത്താനുള്ള നടപടി, നിസാമിന്റെ ജാമ്യാപേക്ഷ കോടതിയില് എത്തുംവരെ പേരാമംഗലം പൊലീസ് വൈകിപ്പിച്ചത് വിവാദമായിരിക്കുകയാണ്. ആദ്യം വാക്കാല് റിപ്പോര്ട്ട് ആവശ്യപ്പെട്ട സിറ്റി പൊലീസ് കമ്മിഷണര് പിന്നീടു രേഖാമൂലം ഇതാവശ്യപ്പെട്ടു. ജാമ്യാപേക്ഷയ്ക്കു മുന്പു കാപ്പാ റിപ്പോര്ട്ട് ഫയല് ചെയ്യുവാനായിരുന്നു നീക്കം.
എന്നാല് ജാമ്യാപേക്ഷ കോടതിയില് എത്തിയ ദിവസം ചന്ദ്രബോസ് മരിച്ചതോടെ ജാമ്യാപേക്ഷ തള്ളി. ചന്ദ്രബോസ് മരിച്ചില്ലായിരുന്നുവെങ്കില് വധശ്രമക്കേസ് മാത്രമായി നിസാം പുറത്തിറങ്ങാനുള്ള സാധ്യത ഏറെയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha