ന്യൂ ജനറേഷന്‍ സിനിമാ പ്രവര്‍ത്തകര്‍ കൊക്കെയ്ന്‍ കേസില്‍ കുടുങ്ങിയതോടെ സിനിമാ പ്രവര്‍ത്തകരെ വാടക ഫഌറ്റുകളില്‍നിന്ന് ഒഴിപ്പിക്കുന്നു. രണ്ടാഴ്ചയ്ക്കിടെ അഞ്ചു സിനിമാ പ്രവര്‍ത്തകരെയാണു കൊച്ചിയിലെ ഫഌറ്റുകളില്‍നിന്ന് ഒഴിപ്പിച്ചത്.
സിനിമാ പ്രവര്‍ത്തകര്‍ക്കു ഫഌറ്റുകള്‍ വാടകയ്ക്കു നല്‍കുമ്പോള്‍ അവരെ നിരീക്ഷിക്കണമെന്നു ഫഌറ്റുടമകള്‍ക്കു പോലീസ് നിര്‍ദേശം നല്‍കിയതോടെയാണിത്. നിലവില്‍ സിനിമാ പ്രവര്‍ത്തകര്‍ക്കു നല്‍കിയിരിക്കുന്ന ഫഌറ്റുകളുടെ കരാര്‍ പുതുക്കി നല്‍കേണ്ടെന്നാണു കൊച്ചിയിലെ ഫഌറ്റ് ഉടമകളുടെ തീരുമാനം. കലൂര്‍ സ്‌റ്റേഡിയത്തിനു സമീപം താമസിക്കുന്ന സി.സി.എല്‍. താരത്തിന്റെ ഫഌറ്റ് ഉടമ നിര്‍ബന്ധിച്ച് ഒഴിപ്പിച്ചതു കഴിഞ്ഞ ആഴ്ചയാണ്.
വര്‍ഷങ്ങളായി കൊച്ചിയിലെ ഫഌറ്റുകള്‍ കേന്ദ്രീകരിച്ചാണു ന്യൂ ജനറേഷന്‍ ചിത്രങ്ങളുടെ അണിയറ പ്രവര്‍ത്തനങ്ങള്‍ നടക്കുന്നത്. കൊക്കെയ്ന്‍ കേസ് അന്വേഷണത്തിന്റെ പേരില്‍ ഫഌറ്റുകളില്‍ പോലീസ് പതിവായി കയറിയിറങ്ങിയതോടെ കുടുംബമായി താമസിക്കുന്നവര്‍ രംഗത്തെത്തി. ഇതോടെയാണു സിനിമാപ്രവര്‍ത്തകരോട് അകലം പാലിക്കാന്‍ ഫഌറ്റ് ഉടമകള്‍ തീരുമാനിച്ചത്. സിനിമകളുടെ പ്രവര്‍ത്തനങ്ങള്‍ക്കായി ഫഌറ്റുകള്‍ ലഭിക്കാത്തതു ലോ ബജറ്റ് സിനിമകളുടെ പ്രവര്‍ത്തനങ്ങളെ സാരമായി ബാധിച്ചിട്ടുണ്ട്. അണിയറ പ്രവര്‍ത്തനങ്ങള്‍ ആരംഭിച്ച പല മലയാള സിനിമകളുടെയും പ്രവര്‍ത്തകര്‍ ആശങ്കയിലാണ്.
മൂന്നു മുതല്‍ ആറു മാസം വരെയാണു സാധാരണ മലയാള സിനിമകളുടെ അണിയറ പ്രവര്‍ത്തനങ്ങള്‍ക്കായി വേണ്ടി വരിക. സ്റ്റാര്‍ ഹോട്ടലുകളില്‍ 5000 രൂപയ്ക്കു മുകളിലാണു ദിവസേന ഒരു മുറിക്കു വാടക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha