ഡിജിപിയെക്കുരുക്കിയത് പോലീസിലെ പടലപ്പിണക്കം, ജേക്കമ്പ് ജോബിനെ തൊട്ടാല് ഇതല്ല ഇതിനപ്പുറവും പ്രതീക്ഷിക്കണമെന്ന് മുന്നറിയിപ്പ്
ഡിജിപിയെക്കുരുക്കിയത് പോലീസിലെ പടലപ്പിണക്കമെന്ന് സൂച, തൃശൂര് പോലീസ് കമ്മീഷ്ണര് ജേക്കമ്പ് ജോബിനെ സസ്പെന്റ് ചെയ്തതില് പോലീസിന്റെ തലപ്പത്ത് തന്നെ വിഭാഗീയതയുള്ളതായാണ് റിപ്പോര്ട്ട്. ഡി.ജി.പി റാങ്കില് അടുത്തിടെ വിരമിച്ച ഉദ്യോഗസ്ഥനാണ് ഇതിന് പിന്നിലെന്നും സൂചനയുണ്ട്. ഡിജിപ്പിക്കെതിരായ തെളിവുകള് ചീഫ് വിപ്പ് പിസി ജോര്ജിന് കൊടുത്ത്ത് ജേക്കമ്പ് ജോബ് അണെന്നും പോലീസിനുള്ളില് തന്നെ സംശയമുണ്ട്.
ഡിജിപിക്കെതിരെ ആരോപണം ഉയര്ന്നപ്പോള് തന്നെ ആഭ്യന്തരമന്ത്രി രമേശ് ചെന്നിത്തല ഇതിന് പിന്നില് പ്രവര്ത്തിച്ചത് ആരാണന്നറിയാന് രഹസ്യന്വേഷണത്തിന് ഉത്തരവിട്ടിരുന്നു. പൊലീസിന്റെ രഹസ്യാന്വേഷണ വിഭാഗം ഇക്കാര്യത്തില് റിപ്പോര്ട്ട് തയ്യാറാക്കുന്നുണ്ട്.
നിസാമിനെ സംരക്ഷിച്ചതിന് ജേക്കബ് ജോബിനെ സ്ഥലംമാറ്റാനാണ് ഉത്തരമേഖലാ എ.ഡി.ജി.പി ശങ്കര്റെഡ്ഡി ശുപാര്ശചെയ്തതെങ്കിലും ഡി.ജി.പി പ്രത്യേകതാല്പര്യമെടുത്ത് സസ്പെന്ഡ് ചെയ്യുകയായിരുന്നുവെന്നാണ് ഒരുവിഭാഗത്തിന്റെ ആരോപണം. ഇതോടെ ജേക്കബ് ജോബ് ഡിജിപിക്ക് എതിരായി. അങ്ങനെ തെളിവകുളും ആരോപണങ്ങളും എത്തി. ഡിജിയുടെ സസ്പെന്ഷന് ഉത്തരവ് ഗൗനിക്കാതെയും ചുമതല നിശാന്തിനിക്ക് കൈമാറാതെയും ജേക്കബ് ജോബ് അവധിയില് പ്രവേശിക്കുകയായിരുന്നു. പിന്നീട് ആഭ്യന്തര മന്ത്രിയുടെ കര്ശ നിലപാടാണ് കാര്യങ്ങള് മാറ്റി മറിച്ചത്. അങ്ങനെയ നിശാന്തിനി തൃശൂര് കമ്മീഷണറുമായി.
സീനിയര് എസ്പി എ.അക്ബര്, എസ്പിമാരായ തോംസണ് ജോസ്, ഹരിശങ്കര്, നാരായണന് എന്നിവര് നിയമനം കാത്തിരിക്കുമ്പോഴാണ് നിശാന്തിനിയെ തൃശൂരിലെത്തിച്ചതെന്നാണ് ആരോപണം. ഇതിലും അതൃപ്തിയുണ്ട്. എന്നാല് നിശാന്തിനിയെ തൃശൂര് കമ്മിഷണറാക്കാന് ഡി.ജി.പി ശുപാര്ശ ചെയ്തിട്ടില്ലെന്ന് ആഭ്യന്തരവകുപ്പ് വ്യക്തമാക്കി. ഗുരുതരമായ വീഴ്ചയുടെ പേരിലാണ് ജേക്കബ് ജോബിനെ സസ്പെന്ഡ്ചെയ്തത്. ഏറെക്കാലമായി ഡെപ്യൂട്ടികമ്മിഷണറായി പ്രവര്ത്തിക്കുന്ന നിശാന്തിനിയെ തൃശൂരില് നിയമിക്കാന് ആഭ്യന്തരമന്ത്രിയാണ് തീരുമാനിച്ചത്.കേന്ദ്രസര്വീസിലടക്കം മികച്ച ഉദ്യോഗസ്ഥനായി പേരെടുത്ത ബാലസുബ്രഹ്മണ്യം മേയില് വിരമിക്കുകയാണ് പുതിയ വിവാദം.
തൃശൂരിലെ ബാങ്കറില്നിന്ന് രണ്ടരക്കോടി തട്ടിയകേസില് കുപ്രസിദ്ധ ഗുണ്ടയ്ക്കായി ഡി.ജി.പി സമ്മര്ദ്ദംചെലുത്തിയെന്ന ആരോപണവുമായി ജേക്കബ് ജോബ് ഭരണനേതൃത്വത്തെ സമീപിച്ചിട്ടുണ്ട്. ബാങ്കര്ക്ക് പണം നല്കാന് കോടതിവിധിയുണ്ടായിട്ടും കേസൊതുക്കണമെന്ന് ഡി.ജി.പി തന്നോട് രണ്ടുവട്ടം ആവശ്യപ്പെട്ടെന്നാണ് ജോബിന്റെ ആരോപണം. മൂന്നാംതവണയും താന് എതിര്ത്തപ്പോള് ഡി.ജി.പി ക്ഷുഭിതനായെന്നാണ് ആരോപണം. അങ്ങനെ ഡിജിപിക്ക് എതിരെ നേരിട്ടുള്ള പോരിന് ജേക്കബ് ജോബ് തന്നെ തയ്യാറെടുക്കുകയാണ്. നിശാന്തിനിയെ തൃശൂര് കമ്മിഷണറായി നിര്ദ്ദേശിച്ചതും നിയമനത്തിന് സമ്മര്ദ്ദം ചെലുത്തിയതും ഡി.ജി.പിയായിരുന്നുവെന്നും ഒരു വിഭാഗം പ്രചരിപ്പിക്കുന്നുണ്ട്.
അതിനിടെ അടുത്ത ഡി.ജി.പിയാകാന് ഇപ്പോള് കേന്ദ്രഡെപ്യൂട്ടേഷനിലുള്ള മഹേഷ്കുമാര് സിങഌനീക്കം തുടങ്ങിയിട്ടുണ്ട്. ആഭ്യന്തരവകുപ്പ് ആവശ്യപ്പെട്ടാല് മടങ്ങിയെത്താന് തയാറാണെന്ന് സിങ്ള സര്ക്കാരിനെ അറിയിച്ചിട്ടുണ്ട്. രണ്ടുമാസം കൂടി കാലാവധിയുള്ള പൊലീസ് കണ്സ്ട്രക്ഷന് കോര്പറേഷന് മേധാവി അലക്സാണ്ടര് ജേക്കബിനെ ഡി.ജി.പിയാക്കണമെന്നും ഒരുവിഭാഗം ആവശ്യമുയര്ത്തുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha