നിയമസഭാ സമ്മേളനത്തിന് പ്രതിപക്ഷ ബഹളത്തോടെ തുടക്കം
കേരള നിയമസഭയുടെ പതിമൂന്നാം സമ്മേളനത്തിന് പ്രതിപക്ഷത്തിന്റെ പ്രതിഷേധത്തോടെ തുടക്കം. ബാര് കോഴ ആരോപണത്തില് പെട്ട ധനമന്ത്രി കെ.എം.മാണിയുടെ രാജി ആവശ്യപ്പെട്ട പ്രതിപക്ഷം, ഗവര്ണറുടെ നയപ്രഖ്യാപന പ്രസംഗം ബഹിഷ്കരിച്ചു. കോഴ മന്ത്രി മാണി രാജി വയ്ക്കുക എന്നെഴുതിയ പ്ലക്കാര്ഡുകളും ബാനറുകളും ഉയര്ത്തിപ്പിടിച്ചായിരുന്നു പ്രതിപക്ഷത്തിന്റെ പ്രതിഷേധം. പ്രതിപക്ഷം ഇറങ്ങിപ്പോയിട്ടും ഗവര്ണര് നയപ്രഖ്യാപന പ്രസംഗം തുടര്ന്നു.
അഴിമതിക്കാര്ക്കുവേണ്ടി നടത്തുന്ന ഗവര്ണറുടെ നയപ്രഖ്യാപനം പ്രതിപക്ഷം ബഹിഷ്കരിക്കുകയാണെന്നു വി.എസ്. അച്യുതാനന്ദന് നിയമസഭയ്ക്ക് പുറത്ത് മാദ്ധ്യമങ്ങളോട് പറഞ്ഞു. അഴിമതിക്കെതിരായി പോരാട്ടം തുടങ്ങിയിട്ടു മാസങ്ങള് പിന്നിട്ടു. ശക്തമായ പോരാട്ടത്തില് എല്ലാ ജനങ്ങളുടേയും സഹായ സഹകരണം ഉണ്ടാകുമെന്ന് ആശിക്കുന്നു. ബഡ്ജറ്റ് അവതരണത്തില്നിന്നു കെ.എം. മാണിയെ മാറ്റി നിര്ത്തണമെന്നു ആവശ്യപ്പെട്ടപ്പോള് അക്കാര്യം പരിഗണിക്കാമെന്നാണ് ഗവര്ണര് പറഞ്ഞത്. എന്നാല് അത് എങ്ങനെ ആയി വരുമെന്നു കണ്ടറിയാമെന്നും അദ്ദേഹം പറഞ്ഞു.
മാണിയുടെ രാജി ആവശ്യപ്പെട്ട് വരും ദിവസങ്ങളില് സഭയ്ക്ക് അകത്തും പുറത്തും പ്രതിഷധം നടത്തുമെന്ന് പ്രതിപക്ഷ നേതാവ് വി.എസ്.അച്യുതാനന്ദനും സി.പി.ഐ നിയമസഭാ കക്ഷി നേതാവ് സി.ദിവാകരനും പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha