ട്രെയിനുകളിലെ ശുചീകരണം, ഇനി യാത്രക്കാര്ക്കും മാര്ക്കിടാം
നിങ്ങളിരിക്കുന്ന കംമ്പാര്ട്ടുമെന്റുകള് വൃത്തിയാണോ? ട്രെയിനിന്റെ ശുചീകരണത്തിന്റെ കാര്യത്തില് റെയിവെയോട് പരാതി പറഞ്ഞ് യാത്രക്കാര് മടുത്ത് കാണും. എന്നാല് ഇനി യാത്രക്കാര് തീരുമാനിക്കും. വൃത്തിയല്ലെങ്കില് പണി കിട്ടുന്നത് തൊഴിലാളികള്ക്കായിരിക്കും. ഇനി ട്രെയിനുകളിലെ യാത്രക്കാര്ക്ക് മാര്ക്കിടാം. പേരിനുള്ള ശുചീകരണം മാത്രമാണെങ്കില് ഇനി ഷൊര്ണൂര് വഴിയുള്ള ട്രെയിനുകളില് നടക്കില്ല എന്നതാണ് യാഥാര്ത്ഥ്യം. ശുചീകരണത്തിനു യാത്രക്കാര് നല്കുന്ന മാര്ക്കിന്റെ കൂടി അടിസ്ഥാനത്തിലാണു തൊഴിലാളികള്ക്കു വേതനം ലഭിക്കുക. കുറഞ്ഞത് 70 മാര്ക്ക് ലഭിച്ചാലേ വേതനം പൂര്ണമായി നല്കൂവെന്നാണ് പുതിയ നിയമവും. ശരാശരി മാര്ക്കില് താഴെയാണെങ്കില് കരാറുകാരന് പിഴ അടയ്ക്കണമെന്ന വ്യവസ്ഥയുമുണ്ട്.
ഷൊര്ണൂര് ജംക്ഷനില് അടുത്തദിവസം ആരംഭിക്കുന്ന ക്ലീന് ട്രെയിന് അറ്റ് സ്റ്റേഷന് പദ്ധതിയിലാണ് ഇതാദ്യമായി ശുചീകരണത്തിനു യാത്രക്കാര് മാര്ക്കിടുന്നത്. 24 ദീര്ഘദൂര ട്രെയിനുകളിലാണു ശുചിത്വം ഉറപ്പാക്കുക. ശുചീകരണം ആരംഭിക്കുമ്പോള് സൂപ്പര്വൈസര് നിശ്ചിത യാത്രക്കാര്ക്കു 13 ചോദ്യങ്ങളും മാര്ക്കിടാനുള്ള കോളവുമുള്ള ഫോം നല്കുമെന്നാണ് അറിയുന്നത്. ഏതെങ്കിലും ഒരിടം ശുചീകരിച്ചില്ലെങ്കില് തൊഴിലാളികളുടെ വേതനത്തില് നിന്നു മൂന്നുരൂപ വീതം കുറയ്ക്കും. കോച്ച് ശുചീകരിക്കാന് വിട്ടുപോയാല് വേതനം ഭാഗികമായി വെട്ടിക്കുറയ്ക്കും. ഒരു ട്രെയിന് വിട്ടുപോയാല് കരാറുകാരനില് നിന്നു 2000 രൂപ പിഴ ഈടാക്കും. ഡല്ഹിയിലെ ഇംപ്രഷന് സര്വീസ് എന്ന കമ്പനിയുടെ പങ്കാളിത്തത്തോടെയാണു പദ്ധതി. മൂന്നു വര്ഷത്തേക്കു നാലുകോടി രൂപയാണു കരാര് തുകയും. ഏതായാലും ഈ തീരുമാനമെങ്കിലും ട്രെയിനുകളിലെ എല്ലാ കംമ്പാര്ട്ടുമെന്റുകളും വൃത്തിയായി സൂക്ഷിക്കാന് സഹായിക്കുമെന്ന് വിശ്വസിക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha