എല്ഡിഎഫ് യോഗത്തില് വിഎസ് എത്തി, ആദ്യ പോരാട്ടത്തിന് കാനവും കോടിയേരിയും, ബജറ്റ് അവതരണ ദിവസം നിയമസഭ വളയാന് എല്ഡിഎഫ് തീരുമാനം
ബജറ്റ് അവതരണ ദിവസം നിയമസഭ വളയാന് ഇടതുമുന്നണി തീരുമാനിച്ചു. സഭയ്ക്ക് അകത്തും പുറത്തും പ്രക്ഷോഭം സംഘടിപ്പിക്കാനും തീരുമാനമായി. സിപിഎം സംസ്ഥാന സമ്മേളനത്തില് നിന്നും വിട്ടുനിന്ന പ്രതിപക്ഷ നേതാവ് വി.എസ്. അച്യുതാനന്ദനും യോഗത്തില് പങ്കെടുത്തു. സിപിഎമ്മിനും സിപിഐക്കും പുതിയ സെക്രട്ടറിമാര് വന്ന ആദ്യയോഗമായിരുന്നു ഇത്. സഭയ്ക്ക് അകത്തും പുറത്തും വിഎസ് തന്നെ സമരത്തിന് നേതൃത്യം നല്കുമെന്നാണ് സൂചന. ജനകീയ പ്രക്ഷോഭങ്ങളില് ഇടപെട്ട് തന്റെ ശക്തി തെളിയിക്കാനാണ് ഇന്ന് വിഎസ് എല്ഡിഎഫ് യോഗത്തില് പങ്കെടുത്തത്. കെ.എം.മാണിയെ ബജറ്റ് അവതരിപ്പിക്കാന് അനുവദിക്കില്ലെന്നും ഇടതുമുന്നണി വ്യക്തമാക്കി. ബജറ്റിന് തലേദിവസം മുതല് സമരം ആരംഭിക്കാനാണ് എല്ഡിഎഫ് നേതാക്കളുടെ ആലോചന. സമരം നിയന്ത്രിക്കുന്നതിനും രൂപരേഖ തയാറാക്കുന്നതിനും യോഗത്തില് ഒരു ഉപസമിതിയെ നിയമിച്ചിട്ടുണ്ട്. എല്ലാ ഘടകകക്ഷികളില് നിന്നും ഒരോ അംഗങ്ങള് വീതം ഉള്ക്കൊള്ളുന്നതാണ് ഉപസമിതി.
അടുത്ത വെള്ളിയാഴ്ചയാണ് ഉമ്മന് ചാണ്ടി സര്ക്കാര് ബജറ്റ് അവതരിപ്പിക്കുന്നത്. അന്ന് സംസ്ഥാന വ്യാപകമായി എല്ഡിഫ് പ്രക്ഷോഭങ്ങള് നടത്തും. എല്ലാ സര്ക്കാര് ഓഫീസുകളും അന്നേ ദിവസം ഉപരോധിക്കുന്നതിനും എല്ഡിഎഫിന്റെ നേതൃയോഗത്തില് തീരുമാനമായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha