മലയാളികള്‍ ശ്രദ്ധിക്കുക. കഴിയുന്നിടത്തോളം എയര്‍ഇന്ത്യാ വിമാനങ്ങള്‍ ഉപയോഗിക്കാതിരിക്കുക. 20 വര്‍ഷമാണ് ഒരു വിമാനത്തിന്റെ ജീവിത കാലാവധിയെന്നിരിക്കെ 25 വര്‍ഷത്തിലേറെ പഴക്കമുള്ള വിമാനങ്ങളാണ് കേരളത്തിലേക്ക് സര്‍വീസ് നടത്തുന്നത്. യാത്രക്കാര്‍ ഏറെയുള്ള കേരളത്തിലേക്ക് സര്‍വീസ് നടത്താതെ കൂടുതല്‍ വിമാനങ്ങളും ഡല്‍ഹിയിലേക്കും മറ്റു ഉത്തരേന്ത്യന്‍ സംസ്ഥാനങ്ങളിലേക്കുമാണ് പറക്കുന്നത്. 20 വര്‍ഷം കഴിഞ്ഞ വിമാനങ്ങള്‍ സാധാരണ കാര്‍ഗോ സര്‍വീസാണ് നടത്താറുള്ളത്.
എയര്‍ഇന്ത്യയ്ക്ക് ഏറ്റവുമധികം ലാഭമുണ്ടാക്കി കൊടുക്കുന്ന സെക്ടറാണ് ഗള്‍ഫ് കേരള. ഷാര്‍ജയില്‍ നിന്നും കൊച്ചിയിലേക്കും തിരിച്ചും സര്‍വീസ് നടത്തുന്ന എഐ934 എയര്‍ബസിന്റെ പഴക്കം 25 വര്‍ഷമാണ്,. എയര്‍ ഇന്ത്യയുടെ പുതിയ വിമാനമായ ഡ്രീംലൈനര്‍ കേരളത്തിലേക്ക് വന്നിട്ടു പോലുമില്ല. പകരം യാത്രക്കാര്‍ കുറവായ ഗള്‍ഫ് ഡല്‍ഹി മേഖലയിലാണ് ഡ്രീംലൈന്‍ സര്‍വീസ് നടത്തുന്നത്. പരീക്ഷണാടിസ്ഥാനത്തിലാണ് വിമാനം ഡല്‍ഹിയിലേക്ക് പറക്കുന്നതെന്നാണ് എയര്‍ഇന്ത്യാ അധികൃതരുടെ വിശദീകരണം. ദീര്‍ഘദൂരത്തേക്ക് പറക്കുന്ന വിമാനമാണത്രേ ഡ്രീംലൈന്‍ എന്നാല്‍ ആഭ്യന്തര സര്‍വീസ് നടത്തുന്നു.
1991 ല്‍ കുവൈറ്റ് യുദ്ധത്തില്‍ കുടുങ്ങിപ്പോയ ഇന്ത്യാക്കാരെ ജോര്‍ദ്ദാനില്‍ നിന്നും കൊണ്ടു വരുന്ന വിമാനമാണ് ഗള്‍ഫ്- കൊച്ചി സെക്ടറില്‍ ഇപ്പോള്‍ സര്‍വീസ് നടത്തുന്നത്. പഴകിയ വിമാനത്തില്‍ യാത്രക്കാര്‍ക്ക് യാതൊരു സുരക്ഷിതവുമില്ലെന്നാണ് യാത്രക്കാര്‍ പറയുന്നത്. വിമാനം എത്ര പഴകിയാലും മലയാളി യാത്രക്കാര്‍ക്ക് ബുദ്ധിമുട്ട് ഉണ്ടാവില്ലെന്നാണ് എയര്‍ഇന്ത്യയുടെ വിശദീകരണം. ഏതാനും മാസങ്ങള്‍ക്ക് മുമ്പെത്തിയ ഡ്രീംലൈനര്‍ വിമാനം കേരളത്തെ പൂര്‍ണമായും അവഗണിച്ച് ദുബായില്‍ നിന്നും മുംബൈയിലേക്ക് സര്‍വീസ് നടത്താന്‍ തീരുമാനിച്ചു.
പഴഞ്ചന്‍ ബോഗികളുള്ള തീവണ്ടിയായിരുന്നു കേരളത്തിന്റെ ഇത്രയും നാളത്തെ തലവേദന. പഴകിയ വിമാനങ്ങള്‍ തലവേദനയാകുമെന്ന് മലയാളികള്‍ സ്വപ്നത്തില്‍ കരുതിയിരുന്നില്ല. പഴകിയ തീവണ്ടികള്‍ അപകടം വിതയ്ക്കുന്ന കാലമാണ് ഇത്. ഇനി പഴകിയ വിമാനങ്ങള്‍ എന്ന് അപകടം വിതയ്ക്കുമെന്നും എയര്‍ ഇന്ത്യയില്‍ സ്ഥിരമായി സഞ്ചരിക്കുന്ന യാത്രക്കാര്‍ ആശങ്കപ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha