ബിജു രമേശും രാജ്കുമാര് ഉണ്ണിയും രണ്ടു വഴിക്ക്; ബാര് ഉടമാ അസോസിയേഷന് പിളര്പ്പിലേക്ക് , ബിജു രമേശിന്റെ നടപടി സംഘടനാ വിരുദ്ധമാണെന്ന് പ്രസിഡന്റ് രാജ്കുമാര് ഉണ്ണി
തമ്മില്ത്തല്ലി ബാര് ഉടമാ അസോസിയേഷന് പിളര്പ്പിലേക്ക്. അസോസിയേഷന് വര്ക്കിങ് പ്രസിഡന്റ് ബിജു രമേശ് ബാര് ഉടമകളുടെ യോഗം വിളിച്ചതാണ് ഇതിന് കാരണം. ബിജു രമേശിന്റെ നടപടി സംഘടനാ വിരുദ്ധമാണെന്ന് പ്രസിഡന്റ് രാജ്കുമാര് ഉണ്ണി പറഞ്ഞു. ഈ യോഗത്തെ ഔദ്യോഗികമായി കാണാനാവില്ലെന്നും രാജ്കുമാര് ഉണ്ണി പറഞ്ഞു. അതേസമയം രാജ്കുമാര് ഉണ്ണിക്ക് നട്ടെല്ലില്ലെന്ന് ബിജു രമേശ് പ്രതികരിച്ചു. ഇതോടെ അസോസിയേഷനിലെ ഭിന്നത മറനീക്കി പുറത്തുവരികെയാണ്.
ബാര് കോഴയില് മന്ത്രി മാണിക്കെതിരെ ബിജു രമേശ് ആരോപണം ഉന്നയിച്ചതുമുതല് സംഘടനയില് ഭിന്നതയുണ്ടായിരുന്നു. എടുത്ത് ചാടി ബിജു രമേശ് കാട്ടിയത് എല്ലാവരേയും വെട്ടിലാക്കിയെന്ന അഭിപ്രായം അസോസിയേഷനില് സജീവമായിരുന്നു. കൂടെ നില്ക്കുന്നവരെ വെട്ടിലാക്കുന്ന തരത്തില് ഫോണ് സംഭാഷണം റിക്കോര്ഡ് ചെയ്ത് മാദ്ധ്യമങ്ങള്ക്ക് നല്കിയതോടെ കാര്യങ്ങള് സങ്കീര്ണ്ണമായി. ഇതോടെ ബിജു രമേശിനെതിരെ വികാരം ശക്തമായി. ഈ സാഹചര്യത്തിലാണ് നേതൃത്വത്തെ വെല്ലുവളിച്ച് ബിജു രമേശ് യോഗം വിളിച്ചത്. ഇതിനെയാണ് ഔദ്യോഗിക നേതൃത്വം ചോദ്യം ചെയ്യുന്നത്.
ബാര് ഓണേഴ്സ് അസോസിയേഷന് പ്രസിഡണ്ട് രാജ്കുമാര് ഉണ്ണിക്ക് നട്ടെല്ലില്ലെന്നാണ് ഇതിനോട് ബിജു രമേശ് പ്രതികരിച്ചത്.
വരുന്ന ചൊവ്വാഴ്!ച കൊച്ചിയില് ബാറുടമകളുടെ യോഗം വിളിച്ച ബിജു രമേശിനെതിരെ അസോസിയേഷന്റെ നിലപാടിതാണ് ബാറുടമകളുടെ യോഗം വിളിക്കേണ്ടത് അസോസിയേഷന് ജനറല് സെക്രട്ടറിയാണ്. വര്ക്കിങ് പ്രസിസഡന്റായ ബിജു രമേശിന് അതിനവകാശമില്ല. ബാറുടമകളുടെ യോഗം വിളിക്കേണ്ട സാഹചര്യം ഇപ്പോഴില്ല. ചര്ച്ച ചെയ്യേണ്ട ഒരു കാര്യവും ഇപ്പോള് സംഘടനക്ക് മുന്നിലില്ല. ബിജു രമേശിന്റെ നടപടി ശരിയല്ല. സംഘടനയാണ് വലുത്. അതിനും മുകളിലേക്ക് വ്യക്തികള് വളരരുത്. അസോസിയേഷന് ഭാരവാഹികളൊന്നും ബിജു രമേശ് വിളിച്ച യോഗത്തിന് പോകില്ല. തുടര് നടപടി എന്ത് വേണമെന്ന് ആലോചിച്ച് തീരുമാനിക്കുമെന്നും രാജ്കുമാര് ഉണ്ണി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha