കൊക്കെയ്ന് കേസ്; നൈജീരിയക്കാരന് റിമാന്ഡില്
കടവന്ത്രയിലെ ആഡംബര ഫ്ളാറ്റില് ലഹരിമരുന്നു സല്ക്കാരത്തിന്റെ സ്മോക്കേഴ്സ് പാര്ട്ടിക്കെത്തി പിടിയിലായവര്ക്കു കൊക്കെയ്ന് എത്തിച്ചുകൊടുത്തതിനു ഗോവയില് അറസ്റ്റിലായ നൈജീരിയന് സ്വദേശി ഒക്കൊവെ ചിഗോത്സി കോളിന്സിനെ (29) എറണാകുളം പ്രിന്സിപ്പല് സെഷന്സ് ജഡ്ജി എസ്. മോഹന്ദാസ് 19 വരെ ജുഡീഷല് കസ്റ്റഡിയില് റിമാന്ഡ് ചെയ്തു. പ്രതിയെ കൂടുതല് ചോദ്യംചെയ്യാനുള്ള കസ്റ്റഡി അപേക്ഷ കോടതി നാളെ പരിഗണിക്കും.
ബുധനാഴ്ച നോര്ത്ത് ഗോവയിലെ ചൊപ്പടേമില് നൈജീരിയക്കാര് കൂട്ടമായി താമസിക്കുന്ന സിറ്റി കോര്ണര് ബാര് ആന്ഡ് റസ്റ്ററന്റ് എന്ന രഹസ്യ സങ്കേതത്തിലേക്ക് ഓടിക്കയറിയ പ്രതിയെ ഗോവന് പോലീസിന്റെ സഹായത്തോടെ ബലം പ്രയോഗിച്ചാണു കൊച്ചി പോലീസ് സാഹസികമായി അറസ്റ്റ് ചെയ്തത്.
ജനുവരി 30ന് ഗോവയില്നിന്നു ട്രെയിന് മാര്ഗം കൊച്ചിയിലെത്തിയാണു കോളിന്സ് കൊക്കെയ്ന് കേസിലെ ഒന്നാം പ്രതി രേഷ്മ രംഗസ്വാമിക്കും രണ്ടാം പ്രതി ബ്ലെസി സില്വസ്റ്ററിനും കൊക്കെയ്ന് കൈമാറിയതെന്നാണു പോലീസ് പറയുന്നത്. മംഗള എക്സ്പ്രസില് സൗത്ത് റെയില്വേ സ്റ്റേഷനിലെത്തിയ കോളിന്സിനെ സ്വീകരിക്കാന് രേഷ്മ സ്റ്റേഷനില് ചെന്നിരുന്നു. കാറില് വച്ചായിരുന്നു കൊക്കെയ്ന് കൈമാറ്റം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha