ഗോവധ നിരോധനം അപലപനീയമെന്ന് കാന്തപുരം, ഇഷ്ടപ്പെട്ട ഭക്ഷണം തിരഞ്ഞെടുക്കാനുള്ള പൗരന്റെ അവകാശത്തിനും സ്വാതന്ത്രത്തിനും മേലുള്ള കടന്നുകയറ്റമാണിത്
കേന്ദ്ര സര്ക്കാര് ബീഫ് നിരോധിക്കുന്നതിനെതിരെ പ്രതിഷേധിച്ച് കാന്തപുരം എ.പി അബൂബക്കര് മുസ്ലിയാര് രംഗത്ത്. മഹാരാഷ്ട്രയില് ഗോവധ നിരോധനം നടപ്പാക്കാനുള്ള സംസ്ഥാന സര്ക്കാരിന്റെ തീരുമാനം അപലപനീയമാണെന്ന് അഖിലേന്ത്യ സുന്നി ജംഇയത്തുല് ഉലമ ജനറല് സെക്രട്ടറി കാന്തപുരം എ.പി അബൂബക്കര് മുസ്ലിയാര് പറഞ്ഞു. ഇഷ്ടപ്പെട്ട ഭക്ഷണം തെരഞ്ഞെടുക്കാനുള്ള പൗരന്റെ അവകാശത്തിനും സ്വാതന്ത്രത്തിനും മേലുള്ള കടന്നുകയറ്റമാണിത്. രാജ്യത്തെ ബഹു ഭൂരിഭാഗം പേരും മാംസാഹാരികളാണെന്നിരിക്കെ ജനങ്ങള്ക്ക് ചെലവ് കുറഞ്ഞ പോഷക ഭക്ഷണം തെരഞ്ഞെടുക്കാനുള്ള സ്വാതന്ത്രമാണ് ഹനിക്കപ്പെടുന്നത്.
ഇന്ത്യക്ക് ഏറ്റവും കൂടുതല് വിദേശ നാണ്യം നേടിത്തരുന്ന മാട്ടിറച്ചി നിരോധിച്ചാല് അത് സമ്പദ്ഘടനയെ മാത്രമല്ല, ലക്ഷക്കണക്കിനാളുകളുടെ തൊഴിലും നഷ്ടപ്പെടുത്തും. ബഹു സ്വരസമൂഹത്തില് ഒരു വിഭാഗത്തിന്റെ താല്പര്യങ്ങള്ക്ക് വേണ്ടി ഉണ്ടാക്കേണ്ടതല്ല നിയമനിര്മ്മാണം. വ്യത്യസ്ത ഭക്ഷണരീതികളും സംസ്കാരവും പുലര്ത്തുന്ന ഇന്ത്യയെ പോലുള്ള ഒരു രാജ്യത്ത് ഒരു വിഭാഗത്തിന്റെ താല്പര്യം മൊത്തം ജനങ്ങളുടെ മേല് അടിച്ചേല്പ്പിക്കുന്നത് പ്രതിഷേധാര്ഹമാണ്. ഇതിനാല് തന്നെ മഹാരാഷ്ട്ര സര്ക്കാരിന്റെ തീരുമാനം ഒരു നിലക്കും രാജ്യത്തിനോ ജനങ്ങള്ക്കോ ഗുണപരമല്ലെന്നും കാന്തപുരം പറഞ്ഞു. പശു ആരാധിക്കപ്പെടുന്ന മൃഗമാണെന്ന് ന്യായം കണ്ടെത്തുന്നവര് യാഗങ്ങള്ക്കും യജ്ഞങ്ങള്ക്കും മൃഗങ്ങളെ ബലിയര്പ്പിച്ചിരുന്നുവെന്നത് വിസ്മരിക്കരുതെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha