തോല്ക്കാന് മനസില്ലാതെ മാണി, നിയമസഭയില് തങ്ങി ബജറ്റ് അവതരിപ്പിക്കും
എന്തു വന്നാവും നാളെ നിയമസഭയില് ബജറ്റ് അവതരിപ്പിച്ചിട്ടേ വീട്ടിലേക്ക് മടങ്ങുവെന്ന വാശിയിലാണ് മന്ത്രിമാണി. തന്റെ പ്രസ്റ്റീജിന്റെ പ്രശ്നമാണ്. എല്ഡിഎഫിന്റെയും- ബിജെപിയുടേയും ഭീഷണിക്കുമുന്നില് കീഴടങ്ങില്ലെന്ന് പ്രഖ്യാപിച്ച് കൊണ്ട് ധനമന്ത്രി മാണി ഇന്ന് നിയമസഭയില് തങ്ങി നാളെ ബജറ്റ് അവതരിപ്പിക്കും.
ഔദ്യോഗിക വസതിയില് നിന്ന് എത്തി ബജറ്റ് അവതരിപ്പിക്കുകയെന്ന പതിവ് ശൈലി ഇത്തവണ ഉപേക്ഷിച്ചാണ് മാണി നിയമസഭയില് തങ്ങുന്നത്. ബാര് കോഴയുടെ പേരില് സിപിഎമ്മും യുവമോര്ച്ചയും നടത്തുന്ന സമരത്തിന്റെ മുനയൊടിക്കാന് പൊലീസിന്റെ നിര്ദ്ദേശങ്ങള് മാണി അനുസരിക്കും. നിയമസഭാ പരിസരത്തുള്ള ഡെപ്യൂട്ടി സ്പീക്കറുടെ വസതിയിലാണ് താമസം. നാളെ രാവിലെ 9 മണിക്ക് നിയമസഭയില് എത്തി ബജറ്റ് അവതരിപ്പിക്കും. പ്രതിപക്ഷ പ്രതിഷേധം മാണി പ്രതീക്ഷിക്കുന്നുണ്ട്. അതുകൊണ്ട് തന്നെ ബജറ്റ് നിയമസഭയുടെ മേശപ്പുറത്ത് വയ്ക്കാനാണ് സാധ്യത.
തന്റെ പതിമൂന്നാം ബജറ്റ് അവതരണമാണ് നാളത്തേത്. മുമ്പ് 12 തവണ ബജറ്റ് അവതരിപ്പിച്ചപ്പോഴും ബജറ്റ് അവതരണത്തിനു മുന്പ് പള്ളിയില് പോയി പ്രാര്ത്ഥിക്കുക എന്ന പതിവ് തെറ്റിച്ചില്ല. ഇത്തവണ പക്ഷേ അത് നടക്കില്ല. സഭയില് നിന്ന് ഇനി പുറത്ത് പോകരുതെന്നാണ് മാണിക്ക് പൊലീസ് നല്കിയിരിക്കുന്ന നിര്ദ്ദേശം. ഈ സാഹചര്യത്തില് മാണി ഇന്ന് രാവിലെ പള്ളിയില് പോയി പ്രാര്ത്ഥിക്കുകയും ചെയ്തു. പാളയം പള്ളിയിലായിരുന്നു പ്രാര്ത്ഥന. ബജറ്റ് പ്രസംഗവും രേഖകളുമെല്ലാം ഇന്ന് തന്നെ നിയമസഭയില് എത്തിക്കും. അതിനിടെ പ്രതിപക്ഷ എംഎല്എമാരുടെ നീക്കം എന്തെന്നതും പൊലീസ് നിരീക്ഷിക്കുന്നുണ്ട്.
ഔദ്യോഗിക വസതിയില് നിന്നും മാണിക്ക് നാളെ വീട്ടിലെത്താന് കടമ്പകള് ഏറെയുണ്ടെന്നാണ് പൊലീസിന്റെ വിലയിരുത്തല്. ആയിരക്കണക്കിന് യുവമോര്ച്ച പ്രവര്ത്തകരും എല്.ഡി.എഫ് പ്രവര്ത്തകരും സെക്രട്ടേറിയറ്റ് വളയുന്നതിനായി സംസ്ഥാനത്ത് എത്തിയ സാഹചര്യത്തിലാണ് മാണി നിയമസഭയില് തങ്ങാന് തീരുമാനിച്ചത്. എവിടെയെല്ലാം എന്ത് പ്രക്ഷോഭമാണ് ഉണ്ടാവുകയെന്നത് സംബന്ധിച്ച് ഇതുവരെ പ്രതിപക്ഷം ഒന്നും വ്യക്തമാക്കിയിട്ടില്ല. സമരക്കാര്ക്കെതിരെ കടുത്ത നടപടിയുണ്ടാവുമെന്ന് തിരുവനന്തപുരം സിറ്റി പൊലീസ് കമ്മീഷണര് എസ്. വെങ്കിടേശ് അറിയിച്ചു. അഞ്ച് എസ്പിമാരുടെ നേതൃത്വത്തില് 2000ത്തിലധികം പൊലീസുകാരാണ് ക്രമസമാധാനപാലനത്തിനായി തിരുവനന്തപുരത്ത് തയ്യാറായി നില്ക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha