ഇനി ആരെ തടയും? പുറത്തെ പ്രതിഷേധത്തിന് ശക്തി കുറയുന്നു; മാണി സഭയില് തങ്ങും, കൂട്ടിന് മുഖ്യമന്ത്രിയും മറ്റ് മന്ത്രിമാരും; എതിര്ക്കാനായി പ്രതിപക്ഷവും സഭയില് തങ്ങുന്നു
ഇടതുപക്ഷത്തിന്റെ പ്രക്ഷോഭനീക്കത്തെ തുടര്ന്ന് ധനമന്ത്രി കെ.എം.മാണി ഇന്നു രാത്രി നിയമസഭയില് തന്നെ തങ്ങും. മുഖ്യമന്ത്രി ഉമ്മന് ചാണ്ടിയുടെ നിര്ദേശത്തെത്തുടര്ന്നാണിത്. നേരത്തെ സഭയില് തങ്ങുമെന്ന് വാര്ത്ത പുറത്തുവന്നിരുന്നുവെങ്കിലും അതു നിഷേധിച്ച് മാണിതന്നെ രംഗത്തെത്തുകയായിരുന്നു.
പ്രതിഷേധം ഭയന്ന് നിയമസഭയില് താമസിക്കില്ലെന്നും ഔദ്യോഗിക വസതിയില് താമസിക്കുമെന്നുമാണ് മാണി നേരത്തെ പറഞ്ഞത്. വസതിയില് നിന്നു വന്ന് ബജറ്റ് അവതരിപ്പിക്കുമെന്നും അദ്ദേഹം വ്യക്തമാക്കി. എന്നാല് മുഖ്യമന്ത്രി തന്നെ നിര്ദേശിച്ചതോടെയാണ് മാണി തീരുമാനം മാറ്റിയത്.
പ്രതിപക്ഷ പ്രതിഷേധം ശക്തമായതോടെയാണ് നിയമസഭയില് തങ്ങാന് മാണി തീരുമാനിച്ചത്. പഴ്സനല് സ്റ്റാഫിലെ 14 ജീവനക്കാരും നിയമസഭാ മന്ദിരത്തില് തങ്ങും. 610-ാം നമ്പര് മുറിയാണ് ജീവനക്കാര്ക്കായി ഒരുക്കിയിരിക്കുന്നത്. കെ.എം.മാണി ഇന്നു നിയമസഭയില് തങ്ങുമെന്ന സൂചനകളെ തുടര്ന്ന് പ്രതിപക്ഷവും സഭയ്ക്കുള്ളില് തന്നെ തങ്ങാന് നേരത്തെ തീരുമാനിച്ചിരുന്നു.
പ്രതിപക്ഷവും നിയമസഭാ മന്ദിരത്തില് തങ്ങുന്നതോടെ, നിയമസഭയ്ക്കുള്ളില് തന്നെ മന്ത്രിയെ തടയാന് അവര്ക്കു കഴിയും. ഇതിനെ സര്ക്കാര് ഏതുരീതിയില് പ്രതിരോധിക്കുമെന്നാണ് നോക്കി കാണേണ്ടത്. സമ്മേളന ഹാളിലേക്കുള്ള വാതിലുകള് പ്രതിപക്ഷ അംഗങ്ങള് ഉപരോധിച്ചാല് മന്ത്രിക്ക് ഉള്ളിലേക്ക് കടക്കാന് കഴിയില്ല.
മന്ത്രിമാര്ക്കും സാമാജികര്ക്കും നിയമസഭയിലേക്ക് വരാന് സുരക്ഷിത പാതയൊരുക്കുമെന്നു സിറ്റി പൊലീസ് കമ്മിഷണര് വ്യക്തമാക്കി. അഞ്ച് എസ്പിമാരുടെ നേതൃത്വത്തില് രണ്ടായിരത്തോളം പൊലീസുകാരെയാണ് സുരക്ഷയ്ക്കായി നിയോഗിച്ചത്. ഉന്നത പോലീസ് ഉദ്യോഗസ്ഥര് സ്ഥിതിഗതികള് നിരീക്ഷിക്കുന്നുണ്ട്. നഗരത്തില് പലയിടങ്ങളിലായി പോലീസ് പിക്കറ്റ് പോസ്റ്റുകള് സ്ഥാപിച്ചു കഴിഞ്ഞു. ഗതാഗത നിയന്ത്രണവും ഏര്പ്പെടുത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha