നിയമസഭയില് പ്രത്യേക മന്ത്രിസഭായോഗം, മാണിയെ തടയാന് പ്രതിപക്ഷ വനിതാ എംഎല്മാര്, എന്തിനും തയ്യാറായി പ്രതിപക്ഷം
ബജറ്റിനു മുന്നോടിയായുള്ള മന്ത്രിസഭാ യോഗം നിയമസഭയ്ക്കുള്ളില് ചേരുന്നു. ബജറ്റ് അവതരണം തടയാനുറച്ചു പ്രതിപക്ഷം നിലപാടെടുത്തിരിക്കുന്ന സാഹചര്യത്തില് ബജറ്റ് എങ്ങനെ അവതരിപ്പിക്കുമെന്നകാര്യം യോഗം ചര്ച്ച ചെയ്യും. ബജറ്റ് സംബന്ധിച്ച വിവരങ്ങള് ധനമന്ത്രി മന്ത്രിസഭയെ ധരിപ്പിക്കും. പ്രതിപക്ഷ പ്രതിഷേധത്തില് എങ്ങനെ മാണിയെ സഭയിലെത്തിക്കാമെന്നതിനെക്കുറിച്ചും ആലോചിക്കുന്നുണ്ട്. മുഖ്യമന്ത്രിയുടെ നേതൃത്വത്തിലാണ് യോഗം നടക്കുന്നത്.. എല്ലാമന്ത്രിമാരും യോഗത്തില് പങ്കെടുക്കുന്നുണ്ട്. മാണി നിയമസഭക്കുള്ളില് പ്രവേശിക്കുന്നത് വനിതാ എംഎല്മാരെ ഉപയോഗിച്ച് തടയുന്നതിനാണ് പ്രതിപക്ഷത്തിന്റെ നീക്കം. എന്നാല് ഭരണപക്ഷ എംഎല്എമാരുടേയും നാല് നിര വാച്ചാന്വാര്ഡിന്റെയും നേതൃത്വത്തില് മാണിയെ എട്ട്മണിയ്ക്ക് സഭയിലെത്തിക്കാനായിരുന്നു ആദ്യം പദ്ധതിയിട്ടിരുന്നെങ്കിലും ഇപ്പോള് ഒന്പത് മണിയക്ക്മുമ്പ് സഭയിലെത്തിക്കാനാണ് തീരുമാനം. മാണിയെ സുരക്ഷിതമായി സഭയില് എത്തിക്കുന്നതിന്റെ ചുമതല ടിഎന് പ്രതാപന്റെ നേതൃത്വത്തിലുള്ള എംഎല്എമാര് ഏറ്റെടുത്തതായാണ് സൂചന.
കെ.എം.മാണിയുടെ ബഡ്ജറ്റ് വഅതരണം തടസപ്പെടുത്തുകയെന്ന ലക്ഷ്യത്തോടെ പ്രതിപക്ഷം നടുത്തളത്തില് കുത്തിയിരുപ്പ് തുടങ്ങി.പ്രതിപക്ഷാംഗങ്ങള് എല്ലാവരും തന്നെ ഇന്നലെ രാത്രി സഭയ്ക്കുള്ളിലുണ്ടായിരുന്നു. രാവിലെ എട്ടുമണിയോടെ പ്രതിപക്ഷാംഗങ്ങള് നടുത്തളത്തിലിരുന്നു. മാണിയെ തടയാന് വി.ശിവന്കുട്ടി, വി.എസ്.സുനില്കുമാര്, പി.ശ്രീരാമകൃഷ്ണന്, ടി.വി.രാജേഷ്, ജെയിംസ് മാത്യു എന്നിവരുടങ്ങുന്ന സംഘത്തെയാണ് പ്രതിപക്ഷം നിയോഗിച്ചിരിക്കുന്നത്. ധനമന്ത്രിയുടെ സീറ്റിനു ചുറ്റും കെ.കെ.ലതിക എംഎല്എയുടെ നേതൃത്വത്തില് അഞ്ച് വനിതാ എം.എല്.എമാരുടെ സംഘവും നിലയുറപ്പിച്ചു. ഇതേതുടര്ന്ന് മാണിയുടെ പതിവ് സീറ്റ് മാറ്റി രണ്ടാം നിരയിലോ മൂന്നാം നിരയിലോ ഉള്ള സീറ്റില് വച്ച് ബഡ്ജറ്റ് അവതരിപ്പിക്കാനാണ് സര്ക്കാരിന്റെ ആലോചന. ആഭ്യന്തര മന്ത്രി രമേശ് ചെന്നിത്തലയും ചീഫ് വിപ്പ് പി.സി.ജോര്ജും മുഖ്യമന്ത്രി ഉമ്മന്ചാണ്ടിയും രാവിലെ തന്നെ നിയമസഭയിലെത്തി.
നിയമസഭയില് മുഖ്യമന്ത്രിയുടെ ഓഫിസിനു മുന്നില് വാച്ച് ആന്ഡ് വാര്ഡിന്റെ കനത്ത സുരക്ഷ ഏര്പ്പെടുത്തി. നടുത്തളത്തിലേക്കുള്ള ഇടനാഴിയിലുംവാച്ച് ആന്ഡ് വാര്ഡിനെ വിന്യസിച്ചു. രാവിലെ സഭയിലുണ്ടായിരുന്ന മന്ത്രിമാര് നിയമസഭയില് മുഖ്യമന്ത്രിയുടെ ഓഫീസില് യോഗം ചേര്ന്ന് സ്ഥിതിഗതികള് വിലയിരുത്തി.
എന്നാല് ഭരണപക്ഷ എംഎല്എമാരുടെ നീക്കം തങ്ങളുടെ വനിതാ എംഎല്എമാരുടെ നേതൃത്വത്തില് തടയും. ഇവരുടെ കൂടെ പ്രതിപക്ഷ യുവ എംഎല്എമാരുടെ നേതൃത്വവും ഉണ്ടാകും. വി ശിവന്കുട്ടിയുടേയും വിഎസ് സുനില്കുമാറിന്റെയും നേതൃത്വത്തിലുള്ള പ്രതിപക്ഷ എംഎല്എമാരാണ് മാണിയെ തടയാന് നിലയുറപ്പിച്ചിരിക്കുന്നത്. ഭരണ പ്രതിപക്ഷ എംഎല്എമാര് തമ്മില് കൈയേറ്റം വരെ ഉണ്ടാവാനുള്ള സാധ്യതയും നിലവിലുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha