തന്ത്രത്തിനു മറുതന്ത്രം പയറ്റി ഭരണപക്ഷം, മാണി സഭയിലെത്തി ബജറ്റവതരിപ്പിച്ചു, നിയമസഭയില് സംഘര്ഷം
പ്രതിപക്ഷത്തിന്റെ തന്ത്രത്തിനു മറുതന്ത്രം പയറ്റി ഭരണപക്ഷം മാണിയെ നിയമസഭയിലെത്തിച്ചു. നിയമസഭയിലെത്തിയ മാണി ബജറ്റവതരിപ്പിച്ചു. മന്ത്രി കെസി ജോസഫിന്റെയും ഷിബുബേബിജോണിന്റെയും ഭരണപക്ഷ എംഎല്എമാരുടേയും നേതൃത്വത്തിലാണ് മാണി നിയമസഭയിലെത്തിയത്. എന്നാല് സ്പീക്കര്ക്ക് പ്രതിപക്ഷത്തിന്റെ ബഹളം കാരണം സഭയിലെത്താന് കഴിഞ്ഞില്ല. സ്പീക്കര് ചേംബറിലിരുന്ന് ബജറ്റവതരിപ്പിക്കാന് അനുമതി നല്കുകയായിരുന്നു.
കേരള നിയമസഭയുടെ ചരിത്രത്തില് ഇതുവരെ ഉണ്ടായിട്ടില്ലാത്ത സംഭവങ്ങളാണ് നിയമസഭയില് അരങ്ങേറിയത്. പ്രതിപക്ഷത്തിന്റെ അതിരുവിട്ട പ്രവര്ത്തനങ്ങളാണ് കാണാനിടയായത്. നിയമസഭ സമ്മേളിക്കാനായി ആദ്യത്തെ ബെല്ല് മുഴങ്ങിയപ്പോഴെ പ്രതിപക്ഷ എംഎല്എമാര് വാതിലുകള് ഉപരോധിക്കാനായി രംഗത്തിറങ്ങുകയായിരുന്നു. ഇതിനിടെ വി ശിവന്കുട്ടിയുടെ നേതൃത്വത്തിലുള്ള പ്രതിപക്ഷ എംഎല്എമാര് സ്പീക്കറുടെ ഡയസിലേക്ക് കയറുകയും സ്പീക്കറെ സഭയില് എത്തുന്നത് തടയുകയും ചെയ്തു.
വാച്ച് ആന്ഡ് വാര്ഡിന്റെ സഹായത്തോടെ വീണ്ടും സഭയിലെത്താന് ശ്രമിച്ചെങ്കിലും പ്രതിപക്ഷം കൂടുതല് ശക്തമായി എതിര്ക്കുകയായിരുന്നു. മാത്രമല്ല സ്പീക്കറുടെ ഇരിപ്പിടവും കമ്പ്യൂട്ടറും ഫയലും എല്ലാം പ്രതിപക്ഷം നശിപ്പിച്ചു. ഇതിനിടെ മാണി പിന്വാതില് വഴി സഭയിലെത്തുകയും മുന്നാം നിരയിലെത്തി ബജറ്റ് അവതരിപ്പിക്കുകയും ചെയ്തു. പ്രതിപക്ഷം മാണിയുടെ അടുത്തേക്ക് എത്താന് ശ്രമിച്ചെങ്കിലും വാച്ച് ആന്ഡ് വാര്ഡും മന്ത്രിമാരും ഭരണപക്ഷ എംഎല്എമാരും കൂടി മാണിക്ക് വലയം തീര്ക്കുകയായിരുന്നു.
മാണി ബജറ്റവതരിപ്പിച്ചതോടെ സാങ്കേതികമായി അല്ല ബജറ്റ് അവതരിപ്പിച്ചതെന്ന് പ്രതിപക്ഷം ആരോപണം ഉയര്ത്തി. സ്പീക്കര് ഡയസിലെത്താതെ എങ്ങനെ ബജറ്റ് അവതരിപ്പിക്കാന് കഴിഞ്ഞുവെന്നാണ് പ്രതിപക്ഷം ആരോപിക്കുന്നത്. മാത്രമല്ല വനിതാ എംഎല്എമാരെ കൈയ്യേറ്റം ചെയ്തുവെന്ന പരാതിയും ഉയര്ന്നു. പ്രതിപക്ഷ എംഎല്എമാര് നിയമസഭയില് അഴിഞ്ഞാടുകയായിരുന്നു. ഇതിനിടെ എംഎല്എമാരായ വി ശിവന്കുട്ടി,കെ അജിത്, കെഎസ് സലീഖ എന്നിവര് നിയമസഭയില് കുഴഞ്ഞുവീണു. ഡോക്ടര്മാരെത്തി ഇവര്ക്ക് അടിയന്തര ശുശ്രൂഷ നല്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha