തലസ്ഥാനം യുദ്ധക്കളം, പരസ്പരം പോര് വിളിച്ച് പോലീസും സമരക്കാരും
നിയമസഭയ്ക്കകത്തെന്നപോലെ പുറത്തും സംഘര്ഷം തുടരുന്നു. പൊലീസ് ബാരിക്കേഡുകളെല്ലാം തകര്ത്ത് മുന്നേറിയ യുവമോര്ച്ച എല് ഡി എഫ് പ്രവര്ത്തകരെ പൊലീസ് തല്ലിയോടിച്ചു. നിയമസഭയ്ക്ക് പുറത്ത് പിഎംജി ജംഗ്ഷനില് കടുത്ത സംഘര്ഷം തുടരുകയാണ്. പൊലീസ് ജലപീരങ്കിയും ഗ്രനേഡും പ്രയോഗിച്ചതിലും നിരവധി പേര്ക്ക് പരിക്കേറ്റു, പരിക്കേറ്റിട്ടും പിരിഞ്ഞ് പോകാതെ പ്രവര്ത്തകര് സംഭവസ്ഥലത്ത് തന്നെ തുടരുന്നത് സംഘര്ഷം ഇരട്ടിയാക്കി.
ഒട്ടേറെ പ്രവര്ത്തകര്ക്കും പൊലീസുകാര്ക്കും പരിക്കേറ്റിട്ടുണ്ട്. പിരിഞ്ഞ് പോകാന് കൂട്ടാക്കാതിരുന്ന സമരക്കാരുടെ പിന്നാലെ പാഞ്ഞ് പൊലീസ് അടിച്ചോടിക്കുന്ന കാഴ്ചകള് കാണാം. പിഎംജി ജംഗ്ഷനിലാണ് പ്രധാന സംഘര്ഷം എങ്കിലും നിയമസഭയ്ക്ക് പുറത്ത് പ്രധാന റോഡുകളില് എല്ലാം സംഘര്ഷം നടക്കുന്നുണ്ട്.
നിയമസഭയ്ക്ക് പുറത്ത് നിരവധി ഇടങ്ങളിലും പൊലീസും ജനങ്ങളും തമ്മില് ഏറ്റുമുട്ടുകയാണ്. നിയമസഭയില് നടന്ന കാര്യങ്ങള് പുറത്ത് അറിയാഞ്ഞതോടെ വികാരഭരിതരായ പ്രവര്ത്തകര് പൊലീസിനെ വെല്ലുവിളിക്കുകയും കല്ലെറിയുകയും ആയിരുന്നു. ഒളിച്ചെത്തിയ മാണിയുടെ ബജറ്റിന് നിയമസഭാനുമതിയില്ല എന്നും സമരം വിജയിച്ചു എന്നും പിണറായി വിജയന് പാര്ട്ടി പ്രവര്ത്തകരെ അറിയിച്ചതോടെയാണ് സംഘര്ഷം ശക്തമായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha