ബിജിമോളെ തടഞ്ഞുവച്ച് ഷിബു ബേബിജോണ്
ജനാധിപത്യത്തിന്റെ ശ്രീകോവിലിന് തീരാകളങ്കം തീര്ത്ത് നിയമസഭയില് ഭരണപ്രതിപക്ഷ എംഎല്എമാര് ചേരി തിരിഞ്ഞ് ആക്രമണം. ഇത് നിയമസഭയോ അതോ ചന്തയോ ഒരു സാധാരണക്കാരന് ഇത്തരത്തില് സംശയം തോന്നിയാല് കുറ്റം പറയാനാകില്ല. അത്രയും നാണം കെട്ട സംഭവങ്ങളാണ് ഇന്ന് സഭയില് അരങ്ങേറിയത്.
കലാപാന്തരീക്ഷമുണ്ടായ നിയമസഭയില് വനിതാ എംഎല്എയെ ഭരണപക്ഷത്തെ ശിവദാസന് നായര് പിടിച്ചു തള്ളിയെന്നാണ് പ്രതിപക്ഷത്തിന്റെ ആരോപണം. എന്നാല് ജമീലാ പ്രകാശമാണ് തന്റെ തോളില് കടിച്ചതെന്ന് ശിവദാസന് നായരും പറഞ്ഞു. തന്റെ തോളിലെ കടിയിലെ പാട് കാട്ടിയാണ് ജമിലാ പ്രകാശത്തിന് എതിരെ ശിവദാസന് നായര് തെളിവ് നിരത്തിയത്. ഇതിനിടെ മാണിയെ തടയാനെത്തിയ സിപിഐയുടെ ബിജി മോളെ വട്ടം പിടിച്ച് മന്ത്രി ഷിബു ബേബി ജോണ് നില്ക്കുന്ന ചിത്രവും പുറത്തുവന്നു. ഡയസ്സിന് മുകളിലൂടെ നടക്കുന്നതിനിടെ താഴെ വീണ ശിവന്കുട്ടിക്ക് പരിക്കേറ്റു. തിക്കിലും തിരക്കിലും നിരവധി എംഎല്എമാര്ക്ക് പരിക്കേറ്റു. പലര്ക്കും പരിക്കേറ്റത് നിലത്തുവീണുകിടന്നപ്പോള് ചവിട്ടേറ്റാണ്.
സ്പീക്കറുടെ ഡയസില്ക്കറിയ ഇടതുപക്ഷ എംഎല്എമാര് സ്പീക്കറുടെ ചെയറും കമ്പ്യൂട്ടറും അനുബന്ധ സാമഗ്രികളും അടിച്ചു തകര്ത്തു.
ബജറ്റ് ഒരു സാധാരണ പൗരന്റെ അവകാശമാണ്. അവനെ ബാധിക്കുന്ന ഒരു വര്ഷത്തെ കണക്കുകളാണ് അവിടെ അവതരിപ്പിക്കുന്നത്. അത് ആര് അവതരിപ്പിച്ചാലും അവനത് പ്രശ്നമല്ല. ജനങ്ങളെ മണ്ടന്മാരാക്കാം പക്ഷേ പുച്ഛിക്കരുത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha