നിയമസഭയുടെ കറുത്ത അദ്ധ്യായമാണ് ഉണ്ടായതെന്ന് മുഖ്യമന്ത്രി, എംഎല്എമാര്ക്കെതിരെ കേസെടുക്കുമോ എന്ന കാര്യം പരിശോധിക്കും
കേരള നിയമസഭയുടെ ചരിത്രത്തിലെ കറുത്ത ദിനമായി ഇന്നത്തെ ദിവസം മാറിയെന്നു മുഖ്യമന്ത്രി വാര്ത്താസമ്മേളനത്തില് പറഞ്ഞു.നിയമസഭയുടെ ചരിത്രത്തില് ഇതുവരെ ഇല്ലാത്ത സംഭവമാണ് ഉണ്ടായതെന്ന് മുഖ്യമന്ത്രി ഉമ്മന് ചാണ്ടി. സ്പീക്കറുടെ ചേംബറിലേക്ക് എംഎല്എമാര് കേറി എല്ലാം നശിപ്പിച്ച സംഭവം കേരള നിയമസഭയുടെ ചരിത്രത്തിലാദ്യമാണ്. കെ എം മാണിയെ ബജറ്റ് അവതരിപ്പിക്കാന് അനുവദിക്കില്ല, അസംബ്ലി ഹാളില് കയറ്റില്ല എന്നാണ് പ്രതിപക്ഷം പറഞ്ഞത്. എന്നാല് അത് പരാജയപ്പെടുകയാണ് ഉണ്ടായത്. ഇന്നലെ മുതല് കാത്തിരിക്കയായിരുന്നു. പ്രതിപക്ഷം സംഹാര താണ്ഠവമാണ് നടത്തിയത്.
പ്രതിപക്ഷം ഇരച്ചുകയറിയത് സ്പീക്കറുടെ ഇരിപ്പിടത്തിലേക്കാണ്. എങ്ങനെയാണ് പ്രതിരോധിച്ചതെന്ന് ചാനലുകളില് വന്നു കൊണ്ടിരിക്കയാണ്. എംഎല്എമാര് ആശുപത്രിയിലായി എന്ന് മാദ്ധ്യമങ്ങളിലൂടെ അറിയാന് സാധിച്ചു. പരിക്ക് പറ്റിയെങ്കില് വാച്ച് ആന്ഡ് വാര്ഡിനെ ആക്രമിച്ചതു കൊണ്ടാണ്. ഈ അവസരത്തില് ഇടതുപക്ഷം സ്വീകരിച്ച നിലപാട് ശരിയാണോ എന്ന് പ്രതിപക്ഷം ആലോചിക്കണം. ഭരണഘടനാപരമായ അവകാശം നിറവേറ്റാന് അനുവദിക്കാതിരിക്കുകയാണ് ചെയ്തത്. ഇത് ജനാധിപത്യ വിരുദ്ധമായ സമീപനമാണ്. മാണിയെ തടയാന് കഴിയാതിരുന്നപ്പോള് സ്പീക്കറെ തടഞ്ഞ സംഭവം സഭയില് ആദ്യത്തേതാണ്.
അദ്ദേഹത്തിന്റെ സീറ്റില് നിന്നു തന്നെയാണ് മാണി ബജറ്റ് അവതരിപ്പിച്ചത്. ഐ സി ബാലകൃഷ്ണന് എംഎല്എയുടെ സീറ്റ് നല്കാന് സ്പീക്കറോട് താന് ആവശ്യപ്പെട്ടിരുന്നു. ഇത് പ്രകാരമാണ് സീറ്റ് മാറ്റിയതെന്നും ബജറ്റ് നിയമപ്രകാരമാണെന്നും ഉമ്മന് ചാണ്ടി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha