മകന്റെ വീരകൃത്യം പകര്ത്തി ഇന്റര്നെറ്റിലിട്ട നിസാമിനെതിരെ അടുത്ത കേസ്
ഏതൊരു ബാപ്പാക്കാണ് മകന്റെ വീരകൃത്യം ലോകത്തെ അറിയിക്കാന് വെമ്പലില്ലാത്തത്. അത് തന്നെയാണ് ചന്ദ്രബോസ് കൊലക്കേസ് പ്രതി മുഹമ്മദ് നിസാമും ചെയ്തത്. ഒന്പത് വയസുകാരനായ മൂത്തമകന് ശോഭാസിറ്റിയില് റേഞ്ച് റോവര് വാഹനം ഓടിക്കുന്ന രംഗമാണ് ഇന്റര്നെറ്റില് ഇപ്പോള് വൈറലാവുന്നത്. ഈ വീഡിയോ തന്നെയാണ് നിസാമിന് കുരുക്കായി മാറിയിരിക്കുന്നത്. ഇതേ മകനെക്കൊണ്ടു ഫെറാരി കാര് ഓടിപ്പിച്ച സംഭവത്തില് പൊലീസ് കേസെടുത്തെങ്കിലും പിഴയടച്ച് അന്ന് നിസാം രക്ഷപ്പെട്ടിരുന്നു.
ഫെറാരി കാര് ഓടിപ്പിച്ച സംഭവത്തില് പൊലീസ് കേസെടുത്തെങ്കിലും ഇതേ മകനെക്കൊണ്ടു മറ്റൊരു ആഡംബര കാര് ഓടിപ്പിച്ച സംഭവത്തില് പോലീസ് കേസെടുത്തിട്ടില്ല. ശോഭാ സിറ്റിയില് ഒന്പതു വയസുകാരന് മകന് ഫെറാരി കാര് ഓടിച്ച സംഭവത്തില് ഇന്റര്നെറ്റില് പ്രചരിച്ച വിഡിയോ അടിസ്ഥാന മാക്കിയാണു അന്ന് പോലീസ് നിസാമിനെതിരെ കേസെടുത്തത്. എന്നാല് അതേ മകന് മറ്റൊരിടത്തു റേഞ്ച് റോവര് വാഹനം ഓടിക്കുന്ന രംഗം അന്നു മുതലേ ഇന്റര്നെറ്റില് നിഷാം പോസ്റ്റ് ചെയ്തിരുന്നു. ഇതാണ് പുതിയ വിവാദത്തിലേക്ക് പോകുന്നത്.
പൊതു റോഡിലൂടെ കാര് ഓടിച്ചു വരുന്നതും ഡ്രൈവിങ് സീറ്റിലിരിക്കുന്ന മകന് വീട്ടുമുറ്റത്തേക്ക് പണിപ്പെട്ടു വാഹനം തിരിച്ചു കയറ്റുന്നതുമാണ് ദൃശ്യത്തിന്റെ ആദ്യഭാഗം. പത്തോളം ആഡംബര കാറുകള് കിടക്കുന്ന മുറ്റത്തേക്കാണ് ഈ കാര് കയറുന്നത്. ഇതില്നിന്ന് ഒന്പതു വയസുകാരന് മകന് വിജയഭാവത്തില് കൈവീശി കാണിക്കുന്നതും വിഡിയോയിലുണ്ട്. ഈ കേസിലും സ്വമേധയാ പൊലീസിനു കേസെടുക്കാവുന്നതാണ്. ഫെറാരി ഓടിച്ച സംഭവത്തില് കേസെടുത്തതും സ്വമേധയാ ആണ്. പ്രായപൂര്ത്തിയാകാത്തവര് വാഹനമോടിച്ചാല് രക്ഷിതാക്കള്ക്കെതിരെ കേസെടുക്കണമെന്നാണു നിയമം.
ദ്രോഹിച്ച് ദ്രോഹിച്ച് ഇവനെയൊരു പാഠം പഠിപ്പിക്കണമെന്നാണ് സോഷ്യല്മീഡിയയില് നിസാമിനെക്കുറിച്ച് ഇപ്പോഴും ചര്ച്ച നടക്കുന്നത്. ചന്ദ്രബോസ് കൊലക്കേസിലെ പ്രതിയായ നിസാംമിനെതിരെ കൂടുതല് കൂടുതല് ആരോപണങ്ങളാണ് ദിവസവും വരുന്നത്. കാപ്പചുമത്തി അകത്തിട്ടിരിക്കുന്ന നിസാമിനെത്തേടി പുതിയൊരു കേസുകൂടി വരുമെന്ന് ഉറപ്പായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha