അവസാനം പഴി ജനങ്ങള്ക്ക്, സോഷ്യല് മീഡിയയെ പേടിച്ച് സര്ക്കാര്, എംഎല്എമാരെ കളിയാക്കുന്ന രീതിയില് പോസ്റ്റിട്ടവരും ഷെയര് ചെയ്തവരും കുടുങ്ങും
ജനങ്ങള്ക്ക് വേണ്ടി പ്രവര്ത്തിക്കേണ്ട എംഎല്എമാര് നിയമനിര്മാണസഭയില് ബജറ്റ് അവതരണദിവസം കേരളത്തിന് തന്നെ നാണക്കേടുണ്ടാക്കുന്ന തരത്തില് കാണിച്ച പ്രകടനങ്ങള് സോഷ്യല്മീഡിയകളില് കൂടി കോമഡി രൂപത്തില് പോസ്റ്റ് ചെയ്തവര്ക്കെതിരെയും ഷെയര് ചെയ്തവര്ക്കെതിരെയും നടപടിയെടുക്കാന് സര്ക്കാര് തീരുമാനിച്ചു. സഭയിലെ കാര്യങ്ങളെല്ലാം അതിരുവിട്ടുവെന്ന് പറയുന്ന മുഖ്യമന്ത്രി തന്നെയാണ് നവ മാദ്ധ്യമങ്ങളിലെ പരിഹാസങ്ങളെ കര്ശനമായി നേരിടാന് പൊലീസിന് നിര്ദ്ദേശം നല്കിയത്. ഐടി ആക്ട് 66 എ പ്രകാരമാകും കേസ് എടുക്കുക. ഇത്തരത്തിലൊരു സമഗ്ര അന്വേഷണത്തിനാണ് സര്ക്കാര് ഒരുങ്ങുന്നത്. പോസ്റ്റ് ഉണ്ടാക്കിയവരും ഷെയര് ചെയ്തവരും ലിങ്ക് ചെയ്തവരും വരെ പ്രതികളാവും.
ജനാധിപത്യത്തിന്റെ എല്ലാ സീമകളും ലംഘിച്ചാണ് ബജറ്റ് അവതരണ ദിവസം നിയമസഭയില് അതിക്രമങ്ങള് നടന്നത്. പ്രതിപക്ഷം മാത്രമല്ല ഭരണപക്ഷവും കൈവിട്ടു കളിച്ചു. നിയമസഭയ്ക്ക ്തന്നെ അപമാനകരമായ സംഭങ്ങളാണ് നടന്നതെന്ന് മുഖ്യമന്ത്രി തന്നെ വ്യക്തമാക്കി കഴിഞ്ഞു. ഈ യാഥാര്ത്ഥ്യ ബോധവുമായി സോഷ്യല് മീഡിയയില് ആരെങ്കിലും കളിയാക്കല് പോസ്റ്റിട്ടാല് അവര് കുടുങ്ങും. എന്നാല് സഭയില് നടന്ന സംഭവങ്ങളെ പരിഹാസ ചുവയോടെ ആരെങ്കിലും വിമര്ശിച്ചാല് ഭരണകൂടം നിങ്ങള്ക്കെതിരെ നടപടിയെടുക്കും. സാധാരണക്കാരുടെ വിമര്ശനത്തെ അവര് ഭയക്കുന്നു. അതിന്റെ ഒടുവിലത്തെ ഉദാഹരണമാണ് ഈ സംഭവം. ഇനിയാരും എംഎല്എമാരെ വിമര്ശന രൂപത്തില് കളിയാക്കരുത്.
നവമാദ്ധ്യമങ്ങളില് ജനപ്രതിനിധികളെ അപമാനിക്കുന്ന തരത്തിലുള്ള പ്രചാരണങ്ങള്ക്കെതിരെ കര്ശന നടപടിയെടുക്കാന് പൊലീസിന് നിര്ദ്ദേശം നല്കിയിട്ടുണ്ടെന്ന് മുഖ്യമന്ത്രി ഉമ്മന് ചാണ്ടിയും ആഭ്യന്തരമന്ത്രി രമേശ് ചെന്നിത്തലയും മാദ്ധ്യമങ്ങളോട് പറഞ്ഞു.
സംഘര്ഷത്തിന് ഒടുവില് ബജറ്റ് അവതരിപ്പിച്ചെന്നും ഇല്ലെന്നും പറഞ്ഞ് പ്രതിപക്ഷഭരണപക്ഷങ്ങള് തമ്മില് വാഗ്വാദം മുറുകുകയുമാണ്. ഇതിനിടെയാണ് സഭയില് അരങ്ങേറിയ ഓരോ രംഗങ്ങളെയും കളിയാക്കി സൈബര് ലോകം എത്തിയത്. ശിവന്കുട്ടിയെ കീരിക്കാടന് ജോസും കിലുക്കത്തിലെ കഥാപാത്രമായും മറ്റും അവതരിപ്പിച്ചുകൊണ്ടാണ് സൈബര് ലോകത്തിന്റെ കളിയാക്കല്. മലയാള സിനിമയിലെ കോമഡി രംഗങ്ങളുമായി കോര്ത്തിണക്കിക്കൊണ്ടായിരുന്നു പോസ്റ്റുകള്. ഇത് വാട്സ്ആപ്പിലും ഫേസ്ബുക്കിലുമായി നിറയുകയാണ്. ശിവദാസന് നായരെ കടിച്ച ജമീല പ്രകാശം, കെ എം മാണി ബജറ്റ് അവതരിപ്പിക്കുന്നത്, ശിവന്കുട്ടിയുടെ പ്രകടനം, സ്പീക്കര് ബജറ്റ് അവതരിപ്പിക്കാന് ക്ഷണിച്ചത്... ഇങ്ങനെ എണ്ണമറ്റ ആക്ഷേപശരങ്ങളാണ് സോഷ്യല് മീഡിയയില് നിറഞ്ഞത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha