വിഎസിന്റെ ഗര്ജനത്തില് സഭ നടുങ്ങി,വനിതാ എംഎല്എമാരെ പീഡിപ്പിച്ചവര്ക്കെതിരെ നടപടിയില്ല, സ്പീക്കര് പൊട്ടന്മാരെപ്പോലെ ആംഗ്യം കാണിച്ചാണോ അനുമതി നല്കേണ്ടത്
പ്രതിപക്ഷ എംഎല്എമാര്ക്കെതിരായ സസ്പെന്ഷന് പ്രമേയത്തിനെതിരെ സഭയില് പ്രതിപക്ഷ നേതാവ് വി എസ് അച്യുതാനന്ദന് രംഗത്ത് എത്തി. ശക്തമായ ഭാഷയിലാണ് വിഎസ് പ്രതികരിച്ചത്. സ്പീക്കര് എന് ശക്തനേയും കടന്നാക്രമിച്ചായിരുന്നു വിഎസിന്റെ മുന്നേറ്റം. എംഎല്എമാര്ക്കെതിരായ നടപടി ഏകപക്ഷീയമാണ്. വനിതാ എംഎല്എമാരെ പീഡിപ്പിച്ചവര്ക്കെതിരെ നടപടിയില്ല. പൊട്ടന്മാരെ പോലെ ആംഗ്യം കാണിച്ചാണോ സഭയുടെ അധ്യക്ഷന് ബജറ്റിന് അനുമതി നല്കേണ്ടതെന്നും വിഎസ് ചോദിച്ചു. ആനയുടെ വലിപ്പം ആനയ്ക്കറിയില്ലെന്നും സ്പീക്കറെ ആക്ഷേപിച്ച് വിഎസ് പറഞ്ഞു. ഹാസ്യ കലാപ്രകടനം നടത്തുകയായിരുന്നു സഭയില് സര്ക്കാറെന്നും പ്രതിപക്ഷ നേതാവ് ആരോപിച്ചു.
വിഷാദരോഗം ബാധിച്ച ഞരമ്പുരോഗികളെ പോലെയാണ് ഭരണപക്ഷ എംഎല്എമാരുടെ പെരുമാറ്റം. ജി കാര്ത്തികേയന്റെ ദുഃഖാചരണസമയത്ത് ഭരണപക്ഷം ലഡു വിതരണം നടത്തിയത് വളരെ മോശമായിപ്പോയെന്നും വിഎസ് പറഞ്ഞു. ഭരണപക്ഷ എംഎല്എമാര്ക്ക് നല്ല ചികിത്സ നല്കണം. അല്ലെങ്കില് വനിതാ അംഗങ്ങള്ക്ക് സഭയില് വന്നുപോവാന് കഴിയില്ലെന്നും വി എസ് പറഞ്ഞു. പ്രതിപക്ഷ നേതാവിന്റെ പ്രസംഗത്തിന് ശേഷം മുഖ്യമന്ത്രിയുടെ സസ്പെന്ഷന് പ്രമേയം സഭ പാസാക്കി. ഇതോടെ വീണ്ടും പ്രതിപക്ഷം നടുത്തളത്തിലിറങ്ങി. ഈ സമയം ബജറ്റില് ചര്ച്ചയുണ്ടാകില്ലെന്ന് മുഖ്യമന്ത്രി പറഞ്ഞു. ബജറ്റ് ചര്ച്ചയില് മാണി മറുപടി പ്രസംഗം നടത്തി. നികുതി ഇളവും പ്രഖ്യാപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha