യുഡിഎഫ് സീറ്റ് നിലനിര്ത്താന് അരുവിക്കരയില് ആളെ തേടുന്നു, സ്ഥാനാര്ത്ഥിയാകാനില്ലെന്ന് ജി കാര്ത്തികേയന്റെ ഭാര്യ ഡോക്ടര് സുലേഖ
അരുവിക്കരയില് ആര് സ്ഥാനാര്ഥിയാകുമെന്ന ചര്ച്ചകള്ക്കിടെ യുഡിഫ് ഉറപ്പിച്ച ഒരു പേരായിരുന്നു ജി കാര്ത്തികേയന്റെ ഭാര്യ ഡോക്ടര് സുലേഖ. എന്നാല് സ്ഥാനാര്ഥിയാകാന് താനില്ലെന്ന് അവര് യുഡിഎഫ് നേതൃത്വത്തെ അറിയിക്കുകയായിരുന്നു. യുഡിഎഫ് മുഖ്യമന്ത്രിയെ ഇറക്കി അനുനയിക്കാന് നോക്കിയിട്ടും സുലേഖ സമ്മതിച്ചില്ലന്നാണ് സൂചന. ഭര്ത്താവിന്റെ മരണത്തിന്റെ വേദനയില് നിന്നും ഇനിയും താന് മുക്തയായിട്ടില്ലെന്നും അതിനിടയില് സ്ഥാനാര്ഥിയാവാന് ഇല്ലെന്നും സുലേഖ മുഖ്യമന്ത്രിയെ അറിയിച്ചു. ഇതോടെ യുഡിഎഫ് നേതൃത്വം വെട്ടിലായി. എന്നാല് കഴിഞ്ഞ ദിവസം അരുവിക്കര സീറ്റിന് അവകാശവാദമുന്നയിച്ച് ആര്എസ്പി രംഗത്ത് എത്തി. സുലേഖ സ്ഥാനാര്ഥിയായില്ലെങ്കില് സീറ്റ് ആര്എസ്പിക്ക് നല്കേണ്ടി വരും. എന്നാല് ഈ നീക്കം ചെറുക്കാനും സുലേഖയെ അനുനയിപ്പിക്കാനും മുഖ്യമന്ത്രി ആഭ്യന്തരമന്ത്രിയെ ചുമതലപ്പെടുത്തിയതാണ് വിവരം.
അരുവിക്കരയില് അന്തരിച്ച ജി കാര്ത്തികേയന്റെ ഭാര്യ ഡോക്ടര് സുലേഖയെ സ്ഥാനാര്ത്ഥിയാക്കാനാണ് മുഖ്യമന്ത്രി ഉമ്മന് ചാണ്ടിക്ക് താല്പ്പര്യം. ആഭ്യന്തരമന്ത്രി രമേശ് ചെന്നിത്തല ഉള്പ്പെടെയുള്ളവരും ഇതിനെ അംഗീകരിക്കുന്നുണ്ട്. ഇതിനിടെയാണ് രാഷ്ട്രീയത്തിലേക്ക് താനില്ലെന്ന് മുഖ്യമന്ത്രിയുടെ വിശ്വസ്തനെ സുലേഖ അറിയിച്ചത്. ഇതോടെയാണ് കാര്യങ്ങള് തകിടം മറിച്ചത്.
കാര്ത്തികേയന്റെ സംസ്കാര ചടങ്ങ് കഴിഞ്ഞപ്പോള് തന്നെ സുലേഖയെ സ്ഥാനാര്ത്ഥിയാക്കാന് കോണ്ഗ്രസ് നേതൃത്വത്തില് ധാരണയായി. എന്നാല് കാര്ത്തികേയന്റെ മരണാനന്തര ചടങ്ങുകള് കഴിഞ്ഞ ശേഷം സുലേഖയോട് സംസാരിക്കാനായിരുന്നു പദ്ധതി. ഇന്നലെയായിരുന്നു സഞ്ചയന ചടങ്ങ്. അതുകഴിഞ്ഞപ്പോള് തന്നെ സുലേഖയോട് കോണ്ഗ്രസ് തീരുമാനത്തെ കുറിച്ച് മുഖ്യമന്ത്രിയുടെ ദുതന് അറിയിച്ചു. എന്നാല് മത്സരിക്കാനില്ലെന്നായിരുന്നു സുലേഖയുടെ ഉറച്ച നിലപാട്. രാഷ്ട്രീയത്തോട് താല്പ്പര്യമില്ലെന്നായിരുന്നു സുലേഖയെടുത്ത നിലപാട്. എന്നാല് മത്സരിച്ചാല് തന്നെ ജയം ഉറപ്പില്ലാത്ത രാഷ്ട്രീയ സാഹചര്യമുണ്ട്. അത് കാര്ത്തികേയന് എന്ന വ്യക്തിക്ക് കൂടി നാണക്കേടുണ്ടാക്കുമെന്നാണ് സുലേഖയുടേയും മക്കളുടേയും നിരീക്ഷണം.
സ്ഥാനാര്ത്ഥിയാകുന്നതില് സുലേഖയ്ക്കുള്ള എതിര്പ്പമാറ്റാന് മുഖ്യമന്ത്രി തന്നെ രാത്രിയോടെ വീട്ടിലെത്തി. കാര്യങ്ങള് വിശദമായി സംസാരിച്ചു. പക്ഷേ തന്റെ ആഗ്രഹം വ്യക്തമാക്കി. ജയമുറപ്പാക്കുമെന്നും പറഞ്ഞു. അതിന് ശേഷമാണ് കാര്ത്തികേയന്റെ രാഷ്ട്രീയ ജീവിതത്തിന്റെ തുടക്കത്തില് താങ്ങും തണലുമായ രമേശ് ചെന്നിത്തല എത്തിയത്. കോണ്ഗ്രസില് പാലം വലി വരില്ലെന്നും കാര്ത്തികേയന്റെ ജനപിന്തുണയുടെ കരുത്തില് ജയിക്കാമെന്നും പറഞ്ഞു. തെരഞ്ഞെടുപ്പിനെ രാഷ്ട്രീയമായി നയിക്കാന് എകെ ആന്റണി മുന്നിലുണ്ടാകുമെന്നും സൂചന നല്കി. പക്ഷേ ഉമ്മന് ചാണ്ടിയോടും രമേശ് ചെന്നിത്തലയോടും വ്യക്തതയോടെ ഒന്നും പറഞ്ഞില്ല.
തിങ്കളാഴ്ചയോടെ സുലേഖയും കുടുംബവും സ്പീക്കറുടെ ഔദ്യോഗിക വസതി ഒഴിയും. അതിനുശേഷം മുഖ്യമന്ത്രി ഉമ്മന് ചാണ്ടി, കെപിസിസി അധ്യക്ഷന് വി എം. സുധീരന്, ആഭ്യന്തര മന്ത്രി രമേശ് ചെന്നിത്തല എന്നിവര് സുലേഖയെ ഔദ്യോഗികമായി കണ്ട് പാര്ട്ടിയുടെ നിലപാട് അറിയിക്കുമെന്നാണ് സൂചന. അതിന് മുമ്പ് സുലേഖയുടെ മനസ്സ് പൂര്ണ്ണമായും അനുകൂലമാക്കാനാണ് നീക്കം. കാര്ത്തികേയന്റെ അടുത്ത അനുയായി ആയിരുന്ന വിഡി സതീശന് അടക്കമുള്ളവരെ ഇതിനായി നിയോഗിക്കുകയും ചെയ്തു. മത്സരിച്ചാല് ജയം ഉറപ്പാക്കുമെന്നാണ് മുഖ്യമന്ത്രി സുലേഖയ്ക്ക് നല്കുന്ന ഉറപ്പ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha