സ്കറിയയുടെ കേരള കോണ്ഗ്രസ് വലുതാകും; പിന്നെ പിളരും... വളരുന്തോറും പിളരും
സ്കറിയ തോമസ് നേതൃത്വം നല്കുന്ന ഇടതുമുന്നണിയിലെ കേരളാ കോണ്ഗ്രസ് ആര്ബാലകൃഷ്ണപിളളയെയും ചേര്ത്ത് വിപുലീകരിക്കുമെന്ന് സൂചന. യുഡിഎഫിനൊപ്പം ഇപ്പോള് നില്ക്കുന്ന ഘടകകക്ഷികളിലെ ഒരു പ്രധാന നേതാവ് . അടുത്ത നിയമസഭാതെരഞ്ഞെടുപ്പില് ഇവര്ക്കൊപ്പമെത്തും.
പി.സി. തോമസിന്റെ അഭാവത്തില് നേതൃ ദാരിദ്ര്യം അനുഭവപ്പെടുന്ന സ്കറിയാ തോമസ് കേരള കോണ്ഗ്രസില് ബാലകൃഷ്ണപിള്ള നേതാവാകും. ഇടതുമുന്നണിയില് നിന്നും പുറത്താക്കപ്പെട്ട പി.സി. തോമസും പിള്ളയ്ക്കൊപ്പം ചേരുമെന്ന് സൂചനയുണ്ട്. അങ്ങനെ വന്നാല് സംസ്ഥാനത്തെ പ്രബല കേരള കോണ്ഗ്രസായി സ്കറിയാ തോമസിന്റെ കേരള കോണ്ഗ്രസ് മാറും.
അടുത്ത നിയമസഭാ തെരഞ്ഞെടുപ്പില് യുഡിഎഫിനൊപ്പം നില്ക്കുന്ന ഘടകകക്ഷികളില് പലതിലും വലിയ സാധ്യതയൊന്നും അനുമാനിക്കപ്പെടുന്നില്ല. ആരോപണങ്ങളില് മുങ്ങി നില്ക്കുന്ന കോണ്ഗ്രസിനും ഇതേ അവസ്ഥയാണുള്ളത്. അതു കൊണ്ടു തന്നെ ഇടതുമുന്നണിക്കാണ് പൊതുവെ സാധ്യത കാണുന്നത്.
അങ്ങനെ വന്നാല് ഇടതുമുന്നണിയുടെ കേരള കോണ്ഗ്രസിന് വലിയ സാധ്യതകള് പ്രവചിക്കപ്പെടുന്നു.അതേസമയം യുഡിഎഫിലുള്ള പ്രമുഖ ഘടകകക്ഷി നേതാവിനെ ഏറ്റെടുക്കാന് സിപിഎമ്മിന് താല്പര്യമില്ല. നിത്യകലാപകാരിയായ നേതാവ് പ്രതിനിധാനം ചെയ്യുന്ന മധ്യ തിരുവിതാംകൂറിലെ മണ്ഡലത്തില് സിപിഎം ഒരു പ്രമുഖ നേതാവിനെ സ്ഥാനാര്ത്ഥിയാക്കാനും ആലോചിക്കുന്നുണ്ട്.
കോണ്ഗ്രസുമായി ഘടകകക്ഷി നേതാവ് ഇടഞ്ഞു നില്ക്കുന്നതിനാല് കോണ്ഗ്രസിന്റേയും അദ്ദേഹത്തിന്റെ പാര്ട്ടിയുടെയും വോട്ട് ഇടതുമുന്നണി പ്രതീക്ഷിക്കുന്നു. ഇതിന്റെ മുന്നൊരുക്കമെന്നോണം സിപിഎം മണ്ഡലത്തില് പ്രചരണവും ആരംഭിച്ചു കഴിഞ്ഞു. സിപിഎം സ്ഥാനാര്ത്ഥിയെ ജയിപ്പിച്ചു തരാമെന്ന് കോണ്ഗ്രസുകാര് ഉറപ്പുകൊടുത്തിട്ടുണ്ടെന്ന് സിപിഎമ്മുകാര് പറയുന്നു.
യുഡിഎഫിലെ ഒരു ഘടകകക്ഷിയില് നിന്നും സ്കറിയാ തോമസ് നേതാക്കളെ നോട്ടമിടുന്നുണ്ട്. ആര്.ബാലകൃഷ്ണപിള്ളയ്ക്കും കെ.ബി. ഗണേഷ് കുമാറിനും സിപിഎം സീറ്റ് നല്കും. ആര്എസ്പി വിട്ടു പോയതിനാല് കൊല്ലം ജില്ലയില് എവിടെ വേണമെങ്കിലും പിള്ളയെ നിര്ത്താന് സിപിഎമ്മിന് കഴിയും. ഗണേശനാകട്ടെ നല്ല ജനപ്രീതിയുമുണ്ട്. പിള്ള മുറിവേറ്റ സിംഹമായതിനാല് കോണ്ഗ്രസുകാരെ വെള്ളത്തിലാക്കുമെന്ന് സിപിഎമ്മിന് ഉറപ്പുണ്ട്.
അതിനിടെ ഇടതുമുന്നണിയുടെ അടിത്തറ വിപുലീകരിക്കുന്നതിനായി സംസ്ഥാന സെക്രട്ടറി കോടിയേരി ബാലകൃഷ്ണന് മറ്റ് പാര്ട്ടികളിലെ ഘടകകക്ഷി നേതാക്കളെ രഹസ്യമായി കാണുന്നുണ്ടെന്ന് അഭ്യൂഹമുണ്ട്. വരാന് പോകുന്നത് സിപിഎമ്മിന്റെ സുവര്ണ്ണകാലമാണെന്നാണ് കോടിയേരിയുമായി ബന്ധപ്പെട്ടവര് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha