സാധാരണക്കാര്ക്കായി നിരവധി പദ്ധതികളും ആനുകൂല്യങ്ങളും സര്ക്കാര് പ്രഖ്യാപിക്കുമെന്ന് ധനമന്ത്രി കെ.എം.മാണി
നിയമസഭയില് ബജറ്റിന്റെ വോട്ട് ഓണ് അക്കൗണ്ട് ചര്ച്ച നടക്കുമ്പോള് സാധാരണക്കാര്ക്കായി നിരവധി പദ്ധതികളും ആനുകൂല്യങ്ങളും സര്ക്കാര് പ്രഖ്യാപിക്കുമെന്ന് ധനമന്ത്രി കെ.എം.മാണി വ്യക്തമാക്കി. അതിനെ തമസ്കരിക്കാനാണ് ഇടതുമുന്നണിയുടെ ശ്രമമെന്ന് ഗാന്ധിപാര്ക്കില് യു.ഡി.എഫ് സംഘടിപ്പിച്ച രാഷ്ട്രീയ വിശദീകരണ യോഗത്തില് അദ്ദേഹം പറഞ്ഞു.
ഇടതുമുന്നണിയുടെ പരാജയപ്പെട്ട സമരങ്ങളുടെ പട്ടികയില് അവസാനത്തെതാണ് തനിക്കെതിരായ സമരമെന്ന് മാണി പറഞ്ഞു. ഭീകരപ്രവര്ത്തകര് സ്ത്രീകളെ മുന്നിര്ത്തി അക്രമപ്രവര്ത്തനങ്ങള് നടത്തുമ്പോലെയാണ് സി.പി.എമ്മിന്റെ പ്രക്ഷോഭം. അരി,ഗോതമ്പ്, മൈദ, ആട്ട, സൂചി, പഞ്ചസാര , വെളിച്ചെണ്ണ എന്നിവയുടെ നികുതി ഒഴിവാക്കലിലൂടെ 260 കോടിയുടെ ഇളവ് അനുവദിച്ചതായും മാണി പറഞ്ഞു.
ഇടതുമുന്നണിക്ക് സമനില തെറ്റിയെന്നാണ് സഭയിലെ ബഹളങ്ങള് സൂചിപ്പിക്കുന്നതെന്ന് യോഗം ഉദ്ഘാടനം ചെയ്ത മുഖ്യമന്ത്രി ഉമ്മന്ചാണ്ടി പറഞ്ഞു. ജനാധിപത്യത്തെ കൂടുതല് പിച്ചിചീന്താതിരിക്കാനാണ് സഭാ സമ്മേളനം നിര്ത്തിവച്ചത്. ജനാധിപത്യരഹിതയമായ ആവശ്യങ്ങളാണ് പ്രതിപക്ഷം ഉന്നയിക്കുന്നതെന്നും ക്യാമറാ ദൃശ്യങ്ങള് പരിശോധിച്ചാല് പ്രതിപക്ഷമാകും വെട്ടിലാകുന്നതെന്നും മുഖ്യമന്ത്രി പറഞ്ഞു.യു.ഡി.എഫ് ജില്ലാ ചെയര്മാന് സോളമന് അലക്സ് അദ്ധ്യക്ഷത വഹിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha