നിയമസഭയിലെ സംഭവങ്ങളില് ജയിലില് നിന്ന് പോലും തനിക്ക് എസ്എംഎസ് സന്ദേശമെത്തിയെന്ന് ചെന്നിത്തല, സംഭവം വിവാദമായതോടെ പ്രസംഗം തിരുത്തി പ്രസ്ഥാവനയിറക്കി
നിയമസഭയിലെ കൈയാങ്കളിയെക്കുറിച്ച് സെന്ട്രല് ജയിലില് കഴിയുന്ന കൊലക്കേസ് പ്രതിയില് നിന്ന് തനിക്ക് എസ്എംഎസ് സന്ദേശം ലഭിച്ചെന്ന് ആഭ്യന്തര മന്ത്രി രമേശ് ചെന്നിത്തല. യുഡിഎഫ് പൊതുയോഗത്തിലായിരുന്നു മന്ത്രിയുടെ വെളിപ്പെടുത്തല്. നിയമസഭയിലെ പ്രശ്നങ്ങളില് ലജ്ജിക്കുന്നുവെന്നായിരുന്നു എസ്എംഎസ് സന്ദേശമെന്നും ഗാന്ധിപാര്ക്കിലെ യോഗത്തില് മന്ത്രി വെളിപ്പെടുത്തി. എന്നാല്, നിയമസഭയിലെ കൈയാങ്കളിയെക്കുറിച്ച് ജയിലില് കഴിയുന്ന കൊലക്കേസ് പ്രതിക്ക് മൊബൈലില് സന്ദേശം അയക്കാന് സാഹചര്യം ലഭിച്ചത് എങ്ങനെയെന്ന ചര്ച്ച ഉയര്ന്നതിനു പിന്നാലെ ആഭ്യന്തര മന്ത്രി പ്രസ്താവന തിരുത്തുകയായിരുന്നു.
തിരുവനന്തപുരം സെന്ട്രല് ജയിലില് കൊലക്കേസില് ശിക്ഷിക്കപ്പെട്ട് കഴിയുന്ന വ്യക്തിയാണ് സന്ദേശം അയച്ചതെന്നാണ് മന്ത്രി ആദ്യം പറഞ്ഞത്. കഴിഞ്ഞ ദിവസങ്ങളില് നിയമസഭയിലുണ്ടായ കയ്യാങ്കളിയില് ലജ്ജ തോന്നുന്നുവെന്നാണ് സന്ദേശം. ഞാന് കൊലയാളിയാണ് സര്, ഞങ്ങള് പോലും നാണിച്ചു പോകുന്ന കാര്യങ്ങളാണ് നിയമസഭയില് ഉണ്ടായത് എന്നാണ് സന്ദേശത്തിലെന്നും ചെന്നിത്തല പറഞ്ഞു. ലോകത്തിന്റെ വിവിധ ഭാഗങ്ങളില് നിന്നുള്ള മലയാളികള് സംഭവം നാണക്കേടാണെന്നു പറഞ്ഞതായും ചെന്നിത്തല തിരുവനന്തപുരത്തു നടന്ന യുഡിഎഫ് യോഗത്തില് ചെന്നിത്തല പറഞ്ഞു.
സന്ദേശം അയച്ചത് മുന് തടവുപുള്ളിയാണെന്നായിരുന്നു ആഭ്യന്തര മന്ത്രിയുടെ തിരുത്ത്. നിയമസഭയിലെ കൈയാങ്കളിയില് ലജ്ജിക്കുന്നു എന്ന എസ്എംഎസ് അയച്ചത് തിരുവനന്തപുരം സെന്ട്രല് ജയിലില് നിന്നാണെന്നായിരുന്നു ആദ്യം മന്ത്രി പറഞ്ഞത്. കൊലക്കേസില് ശിക്ഷ അനുഭവിക്കുന്ന പ്രതിയാണ് ഈ സന്ദേശം അയച്ചത് എന്നതിനാല് കൂടുതല് ചര്ച്ച ആ വഴിക്കു നീങ്ങവെയാണ് തിരുത്തുമായി മന്ത്രി രംഗത്തെത്തിയത്.
ജയിലുകളില് ഇപ്പോഴും പ്രതികള് മൊബൈല് ഫോണും മറ്റും ഉപയോഗിക്കാറുണ്ട് എന്നതിനു സ്ഥിരീകരണമായി ആഭ്യന്തരമന്ത്രിയുടെ വാക്കുകള് വിലയിരുത്തപ്പെട്ടു. ഇതിനു പിന്നാലെയാണ് തന്റെ വാക്കുകള് തിരുത്തി രമേശ് ചെന്നിത്തല വീണ്ടും പ്രസ്താവനയിറക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha