ചന്ദ്രക്കലയും നക്ഷത്രവും ആര്ക്കു വേണ്ടി? എസ്എസ്എല്സി പരീക്ഷാ പേപ്പറില് മുസ്ലീം ലീഗിന്റെ ചിഹ്നം; പച്ച വത്ക്കരണത്തെ എതിര്ത്ത് രക്ഷിതാക്കളും അധ്യാപകരും
വിദ്യാഭ്യാസ മേഖലയില് പച്ചവത്ക്കരണം നടപ്പിലാക്കുന്നു എന്ന ആക്ഷേപം പണ്ടേയുണ്ട്. പച്ച യൂണിഫോമും പച്ച ബോര്ഡുമെല്ലാം ഏറെ വിവാദങ്ങള് സൃഷ്ടിച്ചിരുന്നു. ഇതിന് പുറകേയാണ് എസ്എസ്എല്സി ചോദ്യപ്പേപ്പറിലേയും പച്ചവത്ക്കരണം.
ഇന്നലെ നടന്ന പത്താംക്ലാസ് പരീക്ഷാ ചോദ്യപേപ്പറിലാണ് ലീഗിന്റെ ചിഹ്നം കാണ്ടത്. സോഷ്യല് സയന്സ് ഇംഗ്ലീഷ് മീഡിയം ചോദ്യ പേപ്പറിന്റെ അവസാന ഭാഗത്താണ് ലീഗിന്റെ കൊടിയടയാളമായ ചന്ദ്രക്കലയും നക്ഷത്രവും ചേര്ത്തിരിക്കുന്നത്. ഇതേ വിഷയത്തിന്റെ മലയാളം ചോദ്യപ്പേപ്പറിന്റെ അവസാന ഭാഗത്ത് മൂന്ന് വട്ടമാണ് ചേര്ത്തിരിക്കുന്നത്.
പാഠപുസ്തകത്തിലൂടെയും യൂണിഫോമിലൂടെയും ലീഗിന്റെ നിറവും നിലപാടും കുത്തിത്തിരകുന്നു പരാതികള്ക്കിടേയാണ് വിദ്യാഭ്യാസ വകുപ്പ് ചോദ്യപേപ്പറിലും ലീഗിന്റെ ചിഹ്നം ചേര്ത്തിരിക്കുന്നത്.
ഇതിനോടകം തന്നെ ചോദ്യപ്പേപ്പറിന്റെ ഈ ഭാഗങ്ങള് സോഷ്യല് മീഡിയയിലും പ്രത്യക്ഷപ്പെട്ടു കഴിഞ്ഞു. മുസ്ലിംലീഗിന്റെ വികലമായ നിലപാടിന്റെ തുടര്ച്ചയാണ് ചോദ്യപേപ്പറില് പോലും പാര്ട്ടി ചിഹ്നങ്ങള് തിരുകി കയറ്റുന്നതിലൂടെ വ്യക്തമാകുന്നതെന്നാണ് ആക്ഷേപം. സംഭവത്തെ കുറിച്ച് അന്വേഷണം ആവശ്യപ്പെട്ട് വിവിധ സംഘടനകളും രംഗത്തെത്തി. വിദ്യാഭ്യാസമേഖലയെ വര്ഗീയവത്കരിക്കാനാണ് ഇത്തരം ചിഹ്നങ്ങള് ചോദ്യപ്പേപ്പറില് ചേര്ക്കുന്നതെന്നും സംഭവത്തെക്കുറിച്ച് അന്വേഷിക്കണമെന്നും എന്.ടി.യു. സംസ്ഥാന പ്രസിഡന്റ് വി.ഉണ്ണിക്കൃഷ്ണന്, എ.കെ.എസ്.ടി.യു. ജനറല് സെക്രട്ടറി എന്.ശ്രീകുമാര് എന്നിവര് ആവശ്യപ്പെട്ടു.
ചോദ്യപേപ്പറില് ലീഗിന്റെ കൊടിയടയാളം പതിപ്പിച്ചവര്ക്കെതിരെ നടപടി വേണമെന്നാവശ്യപ്പെട്ട് വിദ്യാഭ്യാസമന്ത്രിക്ക് പരാതി നല്കുമെന്നും അദ്ദേഹം പറഞ്ഞു. എന്.ടി.യു. സംസ്ഥാന പ്രസിഡന്റ് വി ഉണ്ണിക്കൃഷ്ണന് പറഞ്ഞു. നേരത്തെ പച്ചക്കോട്ട് അദ്ധ്യാപകര്ക്ക് നിര്ബന്ധമാക്കിയെന്ന ആരോപണവും വിദ്യാഭ്യാസ വകുപ്പുമായി ബന്ധപ്പെട്ട് ഉയര്ന്നിരുന്നു. കൂടാതെ മലബാറിലെ സ്കൂളുകള്ക്ക് +2 അനുവദിക്കുന്ന വിഷയവും ഏറെ വിവാദങ്ങള്ക്ക് ഇടയാക്കുകയുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha