സരിതയ്ക്ക് പിടിവീഴും, സാക്ഷിക്കെതിരെ വധ ഭീഷണിമുഴക്കിയതിന് കേസെടുക്കാന് കോടതി നിര്ദ്ദേശം
സോളാര് കേസിലെ പ്രതി സരിത എസ് നായര്ക്കെതിരെ കേസെടുക്കാന് പത്തനംതിട്ട കോടതി നിര്ദ്ദേശിച്ചിരിക്കുന്നു. ജാമ്യവ്യവസ്ഥകള് ലംഘിച്ച് കേസിലെ സാക്ഷിയെ സരിത ഭീഷണിപ്പെടുത്തിയതിനാണ് കേസെടുക്കാന് കോടതി നിര്ദേശിച്ചിരിക്കുന്നത്. ഇങ്ങനെയുള്ള സാഹചര്യത്തില് സരിതയുടെ ജാമ്യം റദ്ദാക്കണമെന്ന ആവശ്യം ശക്തമായി. മൂകാംബിക സന്ദര്ശനത്തിനായി അന്യസംസ്ഥാനത്ത് പോയതും ജാമ്യവ്യവസ്ഥയുടെ ലംഘനമാണെന്ന് കോടതി കണ്ടെത്തിയിരുന്നു. ഇതിന് പിന്നാലെയാണ് ജാമ്യത്തിലിറങ്ങി സാക്ഷികളെ ഭീഷണിപ്പെടുത്തിയും മറ്റും സ്വാധീനിക്കാന് സരിത എസ് നായര് ശ്രമിക്കുന്നതായുള്ള റിപ്പോര്ട്ട്. സരിതയുടെ മുന് ഡ്രൈവറും കേസിലെ സാക്ഷിയുമായ പന്തളം സ്വദേശി ശ്രീജിത്താണ് സരിത തന്നെ കൊല്ലുമെന്ന് ഭീഷണിപ്പെടുത്തിയതായി പത്തനംതിട്ട കോടതിയില് പരാതി നല്കിയത്. ആറന്മുള സ്വദേശിയായ വ്യവസായിയില് നിന്നും ഒരു കോടി 19 ലക്ഷം രൂപ തട്ടിയെടുത്ത കേസില് പത്തനംതിട്ട ഫസ്റ്റ്ക്ലാസ് മജിസ്ട്രേറ്റ് കോടതിയില് വിചാരണ നടക്കുന്നതിനിടെയാണ് സോളര് തട്ടിപ്പുകേസിലെ മുഖ്യപ്രതിയായ സരിത എസ് നായര്ക്ക് എതിരെ പരാതിയുമായി സാക്ഷി രംഗത്തെത്തിയത്.
കേസില് സരിതയ്ക്ക് എതിരായി പറയാതിരിക്കാന് ഒന്നിലധികം തവണ ഫോണില് വിളിച്ച് ഭീഷണിപ്പെടുത്തിയെന്നാണ് ശ്രീജിത്ത് കോടതിയില് പരാതി നല്കിയത്. തനിക്ക് എന്തെങ്കിലും സംഭവിച്ചാല് അതിന് ഉത്തരവാദി സരിതയാണെന്നും ശ്രീജിത്ത് പറഞ്ഞു. തുടര്ന്നാണ് സരിതയുടെ പേരില് കേസെടുക്കാന് പത്തനംതിട്ട പൊലീസ് നിര്ദ്ദേശം നല്കിയത്. സംഭവത്തില് പത്തനംതിട്ട പോലീസ് അന്വേഷണ റിപ്പോര്ട്ട് സമര്പ്പിക്കുന്നതോടെ സരിതയുടെ ജാമ്യം റദ്ദാക്കാനുള്ള സാധ്യത കൂടുതലാണ്. ഇക്കാര്യത്തില് പൊലീസ് തയ്യാറാക്കുന്ന റിപ്പോര്ട്ടിന് തന്നെയാകും പ്രഥമ പരിഗണന. എന്നാല് സരിതയെ ജയിലില് അടച്ചാല് സോളാര് കേസ് വീണ്ടും ചര്ച്ചയാകുമെന്ന് ഭയക്കുന്നതിനാല് സര്ക്കാര് അതിന് തയ്യാറാകുമോ എന്നാണ് അറിയേണ്ടത്.
ഒരു കേസില് ജാമ്യം റദ്ദാക്കിയാല് സമാന ജാമ്യവ്യവസ്ഥ നിലനില്ക്കുന്ന എല്ലാ കേസുകളിലും ജാമ്യം റദ്ദാക്കേണ്ടി വന്നേക്കും.
ജാമ്യവ്യവസ്ഥ ലംഘിച്ച വിവരം ഒരു പരാതിയുടെ രൂപത്തില് എത്തിയാലും ജാമ്യം റദ്ദാക്കാനുള്ള സാധ്യത കൂടുതലാണ്. ഇതോടെ സരിത വീണ്ടും ജയിലില്പോകേണ്ടിയും വരും. നേരത്തെ സോളാര് കേസില് പ്രതിയായി ജയിലില് കഴിയുന്ന മണിലാലിന്റെ സഹോദരന് റിജീഷിനെയും സരിത ഭീഷണിപ്പെടുത്തിയിരുന്നു. ഇതിന്റെ ശബ്ദരേഖയും മാദ്ധ്യമങ്ങള് പുറത്തുവിടുകയുണ്ടായി. റിജീഷിനെ ഫോണ് വിളിച്ചാണ് സരിത ഭീഷണിപ്പെടുത്തിയതെന്ന് പുറത്തുവന്ന ഓഡിയോയില് വ്യക്തമാണ്. ഉന്നതരെ ഉള്പ്പെടുത്തി സരിത നടത്തിയ സാമ്പത്തിക ഇടപാടുകള് മുഴുവന് തേഞ്ഞ് മാഞ്ഞ് പോയി കൊണ്ടിരിക്കുന്നതിനിടയിലാണ് ഈ വീഡിയോ പുറത്ത് വന്നത്. ഭീഷണിപ്പെടുത്തിയും ഉന്നത സ്വാധീനം ഉപയോഗിച്ചുമാണ് സരിത ഇടപാടുകള് ഉറപ്പിക്കുന്നതെന്നതിന് തെളിവായി മാറിയിരുന്നു ഈ സംഭവം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha