യു.ഡി.എഫില് മാണിയേക്കാല് വലിയ അഴിമതിക്കാരുണ്ടെന്ന് ആര് ബാലകൃഷ്ണപിള്ള, മുഖ്യമന്ത്രിക്ക് അത്യാഗ്രഹം
യു.ഡി.എഫില് അഴിമതിയുടെ കാര്യത്തില് ധനമന്ത്രി കെ.എം മാണിയേക്കാള് വലിയ ജഗജില്ലികളുണ്ടെന്ന് കേരളാ കോണ്ഗ്രസ് നേതാവ് ആര്.ബാലകൃഷ്ണപ്പിള്ള. ദേശീയ ഗെയിംസിന്റെ പേരില് വന് അഴിമതിയാണ് ഇവര് നടത്തിയതെന്നും അദ്ദേഹേം പറഞ്ഞു. ഉമ്മന്ചാണ്ടിയിരുന്ന കസേരയില് അടുത്തകാലത്തൊന്നും ആരും കയറിയിരിക്കരുതെന്നാണ് അദ്ദേഹത്തിന്റെ ആഗ്രഹമെന്നും പിള്ള വിമര്ശിച്ചു.
എല്ലാ ഘടകകക്ഷി നേതാക്കന്മാരേയും കാലുവാരി തോല്പ്പിക്കുന്നത് കോണ്ഗ്രസ്സിന്റെ അത്യാഗ്രഹമായി വളര്ന്നിരിക്കുകയാണെന്നും ആര്.ബാലകൃഷ്ണപ്പിള്ള പറഞ്ഞു. പാലക്കാട്ട് വീരേന്ദ്രകുമാറിനെ കോണ്ഗ്രസ്സിലെ ഒരു വിഭാഗം കാലുവാരി. ചെറിയ പാര്ട്ടിനേതാവായ ജോണി നെല്ലൂരിനെവരെ കാലുവാരി. മാണിയെ കാലുവാരാന് ശ്രമിച്ചു, നടന്നില്ല. വീരേന്ദ്രകുമാറിനെ പാലക്കാട്ട് തോല്പ്പിക്കാന് കൊണ്ടുനിര്ത്തിയതാണെന്ന് പറയുന്നില്ല. ഉമ്മന് ചാണ്ടിയോ, കെ.പി.സി.സി നേതൃത്വമോ അങ്ങനെ ചെയ്തിട്ടില്ല.
എന്നാല് പാലക്കാട്ടെ കോണ്ഗ്രസ്സ് നേതൃത്വത്തില് ഒരു വിഭാഗം കാലുവാരി. വീരേന്ദ്രകുമാര് അച്ചടിച്ചുകൊടുത്ത പോസ്റ്റര് പോലും ഉപയോഗിക്കാതെ ഒരു പ്രവര്ത്തനവും നടത്തിയില്ലെന്നും ബാലകൃഷ്ണപ്പിള്ള പത്രസമ്മേളനത്തില് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha