ലഡ്ഡു വിതരണം ചെയ്തത് തെറ്റ്ന്ന് സ്പീക്കര്
നിയമസഭയില് ലഡ്ഡു വിതരണം ചെയ്തതിനെതിരെ സ്പീക്കര്. നിയമസഭയില് ബഡ്ജറ്റ് അവതരിപ്പിച്ചതിനു ശേഷം ഭരണപക്ഷ അംഗങ്ങള് ലഡ്ഡു വിതരണം ചെയ്തത് തെറ്റാണെന്ന് സ്പീക്കര് എന്.ശക്തന് പറഞ്ഞു. ബഡ്ജറ്റ് അവതരിപ്പിച്ചതിന് പിന്നാലെ താന് ചേംബറിലേക്ക് പോയി. അതിനാലാണ് ലഡ്ഡു വിതരണം ചെയ്തത് കണ്ടില്ലെന്ന് താന് നേരത്തെ പറഞ്ഞത്. പിന്നീട് നടത്തിയ അന്വേഷണത്തില് ലഡ്ഡു വിതരണം നടത്തിയതായി മനസിലായി. ഭരണപക്ഷത്തിന്റെ ആ നടപടി തെറ്റാണെന്ന് താന് നിയമസഭയിലും പറഞ്ഞിട്ടുണ്ടെന്നും ശക്തന് വിശദീകരിച്ചു.
സഭയക്കുള്ളില് ആഹാര സാധനങ്ങള് കൊണ്ടുവരരുതെന്ന് ചട്ടമുള്ളതാണ്. അത് ലംഘിച്ച് ലഡ്ഡു വിതരണം ചെയ്തത് തെറ്റായിപ്പോയെന്നും അദ്ദേഹം പറഞ്ഞു.
സ്പീക്കറുടെ ഡയസില് കയറി മൈക്കും കംപ്യൂട്ടറും തകര്ത്തവര്ക്കെതിരെയാണ് നടപടി എടുത്തത്. ആരെല്ലാം ഡയസില് കയറിയിട്ടുണ്ടോ അവര്ക്കെതിരെയെല്ലാം നടപടി എടുത്തിട്ടുണ്ട്. ഒരു വിഭാഗം എം.എല്.എമാര്ക്കെതിരായി മാത്രം നടപടി എടുത്ത ആരോപണം ശരിയല്ല. സ്പീക്കര് നിഷ്പക്ഷനായാണ് പ്രവര്ത്തിക്കുന്നത്. വനിതാ എം.എല്.എമാരുടെ പരാതിയെ കുറിച്ച് ഇപ്പോള് പ്രതികരിക്കുന്നില്ലെന്നും ശക്തന് പറഞ്ഞു. എന്.എസ്.എസ് ജനറല് സെക്രട്ടറി ജി.സുകുമാരന് നായരുമായുള്ള കൂടിക്കാഴ്ചയ്ക്കു ശേഷം സംസാരിക്കുകയായിരുന്നു സ്പീക്കര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha