തൃശൂരില് സുമോ വാനും ടാങ്കറും കൂട്ടിയിടിച്ച് നാലു പേര് മരിച്ചു
തൃശൂരില് സുമോ വാനും ടാങ്കറും കൂട്ടിയിടിച്ച് നാലു പേര് മരിച്ചു. കയ്പമംഗലത്ത് ദേശീയപാത 17ല് കാളമുറിക്ക് സമീപം ഇന്നലെ അര്ദ്ധരാത്രിയില് ടാറ്റ സുമോയും ഗ്യാസ് ടാങ്കറും കൂട്ടിയിടിച്ചാണ് നാലു പേര് മരിച്ചത്. വയനാട് പുല്പ്പള്ളി പെരിക്കല്ലൂര് സ്വദേശികളായ പറകപ്പിള്ളി സജിയുടെ മകന് ബിനീഷ് (23), പറാലില് ഷൈനത്ത് തോമസ് (24), പെരുമ്പാവൂര് കല്ലുപുരയ്ക്കല് മോഹനന്റെ മകന് സുജിത് (28), മേത്തല മുളവന്കാട്ടില് ഷരീഫിന്റെ മകന് മുഹമ്മദ് ഷാ (27) എന്നിവരാണ് മരിച്ചത്. ആറുപേര്ക്ക് പരിക്കേറ്റു. രണ്ട് പേരുടെ നില ഗുരുതരമാണ്. ബിനീഷിന്റെ സഹോദരന് സനീഷിനെ ഗള്ഫിലേക്ക് യാത്രയാക്കാനാണ് 10 അംഗ സുഹൃദ്സംഘം പുല്പ്പള്ളിയില് നിന്ന് സുമോയില് യാത്ര തിരിച്ചത്. ബിരിയാണി ബിസിനസ് നടത്തുന്നവരാണ് ഇവര്. പുലര്ച്ചെ ഒരു മണിക്ക് നെടുമ്പാശേരി എയര്പോര്ട്ടില് എത്തേണ്ടതായിരുന്നു. ഇരു വാഹനങ്ങളും അമിത വേഗതയില് ആയിരുന്നുവെന്നാണ് നിഗമനം. കൂട്ടിയിടിയുടെ ശബ്ദവും യാത്രക്കാരുടെ നിലവിളിയും കേട്ട് ഓടിയത്തെിയ നാട്ടുകാരും പൊലീസുമാണ് രക്ഷാപ്രവര്ത്തനം നടത്തിയത്.
ഇടിച്ചുതകര്ന്ന വണ്ടി വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. മരിച്ചവരുടെ മൃതദേഹങ്ങള് കൊടുങ്ങല്ലൂര് മോഡേണ് ആശുപത്രി, കയ്പമംഗലം ഗാര്ഡിയന് ആശുപത്രി, തൃശൂര് ജൂബിലി ആശുപത്രി എന്നിവിടങ്ങളിലെ മോര്ച്ചറികളിലാണ്. പരിക്കേറ്റ സനീഷ്, റെനീഷ് റൗഫ്, നിധിന് ഷാ എന്നിവരുള്പ്പെടെ ആറുപേരെ തൃശൂര് എലൈറ്റ്, ജൂബിലി, വെസ്റ്റ് ഫോര്ട്ട് ആശുപത്രികളില് പ്രവേശിപ്പിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha