അവിഹിത ഗര്ഭത്തില്പ്പിറന്ന കുഞ്ഞിനെ കൊന്ന യുവതിയ്ക്ക് ജീവപര്യന്തം ശിക്ഷ
ഭര്ത്താവുമായി പിണങ്ങി കഴിയവേ അവിഹിത ഗര്ഭത്തില് പിറന്ന കുഞ്ഞിനെ ജനിച്ച ഉടന് ശ്വാസം മുട്ടിച്ച് കൊലപ്പെടുത്തിയ കേസില് യുവതിക്ക് ജീവപര്യന്തം ശിക്ഷ കോടതി വിധിച്ചു. കൊല്ലം നെടുവത്തൂര് ആനക്കോട്ടൂര് മുറിയില് മഞ്ജു സദനത്തില് മഞ്ജുവിനെ (42)യാണ് അഡീഷനല് സെഷന്സ് കോടതി ജഡ്ജി എം. നന്ദകുമാര് ജീവപര്യന്തം തടവുശിക്ഷക്ക് വിധിച്ചത്. 2012 ഡിസംബര് 28നു രാത്രി 9.30നു മഞ്ജുവിന്റെ വീട്ടില് നടന്ന സംഭവത്തിലാണ് ശിക്ഷ വിധിച്ചത്. വിവാഹിതയും രണ്ടു പെണ്കുട്ടികളുടെ മാതാവുമായ മഞ്ജു അഞ്ചു വര്ഷമായി ഭര്ത്താവുമായി പിണങ്ങി കഴിയുകയായിരുന്നു. ഇതിനിടെയാണ് സമീപത്തുള്ള ആളില് നിന്നും അവിഹിത ഗര്ഭം ധരിച്ചത്.
ഗര്ഭിണിയായ വിവരം നാട്ടുകാര് അറിയാതിരിക്കാന് ഇവര് ഏറെക്കാലം പുറത്തിറങ്ങാതെ നടന്നു. പിന്നീട് പ്രസവ സമയം അടുത്തപ്പോള് വീട്ടില് തന്നെ തങ്ങുകയായിരുന്നു. പ്രസവിച്ച് ഏതാനും മിനിറ്റുകള്ക്കകം ഇവര് കുഞ്ഞിനെ കൊലപ്പെടുത്തുകയാണ് ഉണ്ടായത്. തുടര്ന്ന് തെളിവ് നശിപ്പിക്കാനായി കുഞ്ഞിന്റെ മൃതദേഹം വീടിന് സമീപത്തുവച്ച് ചവറുകള് കൂട്ടിയിട്ട് കത്തിക്കാനും ശ്രമിച്ചു. എന്നാല് പിന്നീട്, രക്തസ്രാവത്തെ തുടര്ന്ന് ആശുപത്രിയില് ചികിത്സ തേടിയ ഇവര് പ്രസവിച്ചെന്ന് അറിഞ്ഞതിനെത്തുടര്ന്ന്
നടത്തിയ അന്വേഷണത്തില് ചാരം മൂടിയ കുഴിയില്നിന്നു പൊലീസ് പെണ്കുഞ്ഞിന്റെ മൃതദേഹം കണ്ടെടുക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha