അഞ്ച് സംസ്ഥാനങ്ങളിലേക്ക് കൂടി കെ.എസ്.ആര്.ടി.സി സര്വ്വീസ് തുടങ്ങുന്നു
പുതുച്ചേരി, ഗോവ, ആന്ധ്ര, തെലുങ്കാന, മഹാരാഷ്ട്ര സംസ്ഥാനങ്ങളിലേക്ക് കൂടി കെ.എസ്.ആര്.ടി.സി ഉടന് സര്വ്വീസ് ആരംഭിക്കുമെന്ന് മന്ത്രി തിരുവഞ്ചൂര് രാധാകൃഷ്ണന് വാര്ത്താസമ്മേളനത്തില് അറിയിച്ചു. ഇതിനായി സംസ്ഥാന സര്ക്കാരുകളുമായി ചര്ച്ചകള് പൂര്ത്തിയായിക്കഴിഞ്ഞു.
കോഴിക്കോട്പനാജി, കോഴിക്കോട് മുംബയ് (മംഗലാപുരം, കാര്വാര്, ഗോവ, പുനെ വഴി), കോട്ടയം ചെന്നൈ, തിരുവനന്തപുരംചെന്നൈ, എന്നീ സര്വ്വീസുകളാണ് കെ.എസ്.ആര്.ടി.സി പുതുതായി തുടങ്ങുക. കോഴിക്കോട്ട് നിന്നും എറണാകുളത്തു നിന്നും ഹൈദരാബാദ്, തിരുപ്പതി, പുട്ടപര്ത്തി എന്നിവിടങ്ങളിലേക്കും പുതിയ അന്തര് സംസ്ഥാന സര്വീസിന് ധാരണയായി. എറണാകുളംപുതുച്ചേരി സര്വീസിന് ധാരണ ആയെങ്കിലും തമിഴ്നാടിന്റെ അനുവാദം ലഭിക്കേണ്ടതുണ്ട്.
മള്ട്ടി ആക്സില് ബസുകളാണ് ഇതിനായി ഉപയോഗിക്കുന്നത്. 15 മുതല് 20 വരെ ബസുകള് പുതുതായി വാങ്ങേണ്ടിവരും. ധാരണയിലെത്തിയ സംസ്ഥാനങ്ങളുടെ ബസുകള് കേരളത്തിലേക്കും ഓടിക്കും. ഉത്സവ സീസണ്, ഹ്രസ്വകാല അവധികള്, അവധിക്കാലം എന്നീ സമയങ്ങളില് പ്രത്യേക സര്വീസുകള് നടത്താനും ധാരണ ആയിട്ടുണ്ട്.
നിലവില് തമിഴ്നാട്ടിലേക്ക് 201 സര്വീസുകളും കര്ണാകത്തിലേക്ക് 141 സര്വീസുകളും കെ.എസ്.ആര്.ടി.സി നടത്തുന്നുണ്ട്. കെ.എസ്.ആര്.ടി.സിയുടെ വരുമാനം ഉയര്ത്താനുള്ള നടപടികളുടെ ഭാഗമായി ദിവസശരാശരി വരുമാനം ഇപ്പോള് 5.54 കോടിയില് എത്തിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha