മുറ്റത്തെ മുല്ലയ്ക്ക് മണമില്ല; മാണിയെ ദേശീയ സമിതി അധ്യക്ഷനാകാന് മോദി
കേരളത്തില് കോണ്ഗ്രസുകാരും കമ്മ്യൂണിസ്റ്റുകാരും മത്സരിച്ച് വിവാദത്തിലാക്കിയ ധനമന്ത്രി കെ.എം. മാണിയെ കേന്ദ്രസര്ക്കാര് വാറ്റ് ഉന്നതാധികാരസമിതിയുടെ അധ്യക്ഷപദവിയിലേക്ക് പരിഗണിക്കുന്നു. നാളെയാണ് തെരഞ്ഞെടുപ്പ്. മാണിക്കാണ് സാധ്യത.
ചരക്ക് സേവന നികുതി നിയമങ്ങള് നടപ്പാക്കുന്നത് സംബന്ധിച്ച സംസ്ഥാന ധനമന്ത്രിയുടെ ഉന്നതാധികാര സമിതിയുടെ അധ്യക്ഷ പദവിയിലേക്കാണ് മാണിയെ പരിഗണിക്കുന്നത്. കെ.എം മാണി, ബംഗാള് ധമന്ത്രി അമിത് മിത്ര എന്നിവരാണ് മത്സര രംഗത്തുളളത്. കേന്ദ്ര ധമന്ത്രിയാണ് ഉന്നതാധികാര സമിതി ചെയര്മാനെ തെരഞ്ഞെടുക്കുന്നത്.
കേന്ദ്രം ഭരിക്കുന്ന കക്ഷിയില് പെടാത്ത സംസ്ഥാന മന്ത്രിമാരെയാണ് ഉന്നതാധികാരത്തില് അധ്യക്ഷ സ്ഥാനത്തേക്ക് പരിഗണിക്കാറുള്ളത്. സംസ്ഥാനങ്ങളിലെ ധനമന്ത്രിമാരെ ഏകോപിപ്പിച്ച് ചരക്ക് സേവന നികുതി നടപ്പിലാക്കാനുള്ള ചുമതലയാണ് പുതിയ അധ്യക്ഷനുള്ളത്.
പതിമൂന്ന് ബജറ്റുകള് അവതരിപ്പിച്ച ഇന്ത്യയിലെ ഏറ്റവും സീനിയറായ ധനമന്ത്രി എന്ന സ്ഥാനമാണ് കെ എം മാണിക്ക് ഗുണകരമായി മാറിയിട്ടുള്ളത്. അന്പതു വര്ഷത്തെ നിയമസഭാ പരിചയവും അദ്ദേഹത്തിന് ഗുണകരമായി മാറിയിരിക്കുന്നു. കെ.എം മാണി സംസ്ഥാന മന്ത്രി സഭയില് ആദ്യമായെത്തിയതും ധനമന്ത്രിയായിട്ടാണ്.
കെഎം മാണിയുടെ ഭരണ പരിചയം അധ്യക്ഷ സ്ഥാനത്തേക്ക് പരിഗണിക്കുമ്പോള് ബംഗാള് ധനമന്ത്രി അമിത് മിത്രക്ക് അത്തരം നേട്ടങ്ങള് പറയാനാവില്ല. ഹിന്ദി മേഖലയില് നിന്നുള്ള ധനമന്ത്രിമാര് എന്തു തീരുമാനമെടുക്കും എന്ന് മാത്രമാണ് ഇനി അറിയാനുള്ളത്. അവര് മലയാളിയെ തെരഞ്ഞെടുക്കാന് തയ്യാറായാല് അത് സംസ്ഥാനത്തിന് ഗുണകരമായി മാറും.
കേരളത്തില് നിന്നും ഇതുവരെ ഉന്നതാധികാക സമിതി അധ്യക്ഷന് തെരഞ്ഞെടുക്കപ്പെട്ടിട്ടില്ല. ഉന്നതാധികാര സമിതി അധ്യക്ഷ സ്ഥാനം കേരളത്തിന് ലഭിക്കുകയാണെങ്കില് കൂടുതല് കേന്ദ്ര പദ്ധതികള് കേരളത്തിലേയ്ക്ക് കൊണ്ടു വരാന് കഴിയും. നരേന്ദ്ര മോഡിക്ക് മാണിയെ അധ്യക്ഷ സ്ഥാനത്ത് കൊണ്ടു വരാനാണ് താത്പര്യം. മോഡിയുമായി മാണിക്ക് അടുത്ത ബന്ധമുണ്ട്. മാണിയാകട്ടെ ബിജെപി രാഷ്ട്രീയത്തെ ഇതുവരെ തള്ളി പറഞ്ഞിട്ടുമില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha