ഗവര്ണറെ കാണാന് പ്രതിപക്ഷ വനിതാ എംഎല്എമാര്, സ്പീക്കര്ക്കെതിരെയും പരാതി
ബഡ്ജറ്റ് അവതരണത്തിനിടെ നിയമസഭയിലുണ്ടായ സംഘര്ഷത്തിനിടെ തങ്ങള്ക്കു നേരെയുണ്ടായ കൈയേറ്റത്തെ കുറിച്ച് ഗവര്ണറെ കണ്ട് പ്രതിപക്ഷ വനിതാ എം.എല്.എമാര് പരാതി നല്കും. ജമീല പ്രകാശം, ഗീതാ ഗോപി, കെ.കെ.ലതിക, അയിഷാ പോറ്റി, ഇ.എസ്.ബിജിമോള് എന്നിവരാണ് ഗവര്ണറെ കാണുക. നിയമസഭയിലുണ്ടായ കാര്യങ്ങളെ കുറിച്ച് ഗവര്ണറെ ബോദ്ധ്യപ്പെടുത്തുന്നതോടൊപ്പം തങ്ങള്ക്ക് ഉണ്ടായ അപമാനവും ശ്രദ്ധയില്പെടുത്തും. പരാതി നല്കിയിട്ടും നടപടി എടുക്കാന് കൂട്ടാക്കാത്ത സ്പീക്കര് ശക്തന്റെ നടപടിക്കെതിരേയും ഗവര്ണര്ക്ക് പരാതി നല്കും,
അതേസമയം, തങ്ങള്ക്ക് നേരെയുണ്ടായ കൈയേറ്റത്തെ കുറിച്ച് വനിതാ എം.എല്.എമാര് സ്വന്തം നിലയില് പൊലീസിലും പരാതി നല്കുന്ന കാര്യത്തില് തിങ്കളാഴ്ച തീരുമാനം ഉണ്ടാവും. ഭരണപക്ഷ എം.എല്.എമാര് കൈയേറ്റം ചെയ്യാന് ശ്രമിച്ചതും ലൈംഗികമായി അപമാനിക്കാന് ശ്രമിച്ചതും പരാതിയില് ചൂണ്ടിക്കാട്ടും. ഭരണപക്ഷ എം.എല്.എമാര്ക്കെതിരെ നടപടി വേണമെന്ന് നേരത്തെ വനിതാ എം.എല്.എമാര് സ്പീക്കര്ക്ക് നല്കിയ പരാതിയില് ആവശ്യപ്പെട്ടിരുന്നു. എന്നാല് ഇക്കാര്യത്തില് ഇതുവരെയും നടപടികള് ഒന്നും ഉണ്ടായിട്ടില്ല. കെ.ശിവദാസന് നായര്, തന്നെ അപമാനിക്കാന് ശ്രമിച്ച കാര്യം ജമീല പ്രകാശം പരാതിയില് ചൂണ്ടിക്കാട്ടും. ഇതോടൊപ്പം ഡൊമിനിക പ്രസന്റേഷന് എം.എല്.എ ജാതിപ്പേര് വിളിച്ച് അധിക്ഷേപിച്ചതും ചൂണ്ടിക്കാട്ടും. തന്നെ, മന്ത്രി ഷിബു ബേബി ജോണ് തടഞ്ഞു വയ്ക്കാന് ശ്രമിച്ച കാര്യമാവും ബിജിമോള് ചൂണ്ടിക്കാട്ടുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha