ഫ്ളാറ്റില് പാര്ട്ട് ടൈം ജോലിക്കായി വിളിച്ചു വരുത്തി പ്രവാസി മലയാളി ബി.എഡ് വിദ്യാര്ത്ഥിനിയെ പീഡിപ്പിച്ചതായി പരാതി
ഫ്ളാറ്റില് പാര്ട്ട് ടൈം ജോലിക്കായി വിളിച്ചു വരുത്തി പ്രവാസി മലയാളി ബി.എഡ് വിദ്യാര്ത്ഥിനിയെ പീഡിപ്പിച്ചതായി പരാതി. സംഭവത്തിനു ശേഷം അമേരിക്കയിലേയ്ക്ക് കടന്ന പ്രതിയെ കണ്ടെത്താന് പൊലീസ് ലുക്ക് ഔട്ട് നോട്ടീസ് പുറത്തിറക്കും. തടിയിട്ട പറമ്പ് പൊലീസ് സ്റ്റേഷനു കീഴിലാണ് കേസിനാസ്പദമായ സംഭവം നടന്നത്. വിദേശത്തു നിന്ന് സുഖവാസത്തിന് നാട്ടിലെത്തിയ മലയാളിക്കെതിരെയാണ് പരാതി. കിഴക്കമ്പലത്തിനടുത്ത് മൂന്ന് മാസത്തേക്ക് വാടകയ്ക്ക് എടുത്ത ഫ്ളാറ്റ് കേന്ദ്രീകരിച്ച് മൂന്ന് മാസം മുമ്പാണ് സംഭവം നടന്നതെന്നാണ് പരാതിയിലുളളത്.
പഠിക്കാനുളള പണം കണ്ടെത്താനാണ് വിദ്യാര്ത്ഥിനിയായ യുവതി പാര്ട്ട് ടൈം ജോലി തേടി ഫ്ളാറ്റിലെത്തിയത്. അറയ്ക്കപ്പടി സ്വദേശിയായ യുവതിയാണ് പാര്ട്ട് ടൈം ജോലി വാഗ്ദാനം ചെയ്ത് വിദ്യാര്ത്ഥിനിയെ ഫ്ളാറ്റിലെത്തിച്ചത്. രാവിലെയും വൈകിട്ടും ആഹാരം ഉണ്ടാക്കുകയും ഫ്ളാറ്റ് ക്ളീനിംഗുമായിരുന്നു ജോലി. എന്നാല്, ജോലിക്കെത്തി രണ്ട് ദിവസത്തിനുളളില് അമേരിക്കക്കാരന്റെ തരം മാറി. ക്ളീനിംഗില് ഒതുങ്ങില്ല ജോലി എന്നാണ് ഇയാള് പറഞ്ഞതെന്നും യുവതി പൊലീസിന് നല്കിയ മൊഴിയില് പറയുന്നു.
അടുത്ത ദിവസം ജോലിക്കെത്തിയ വിദ്യാര്ത്ഥിനിയെ ഫ്ളാറ്റിലെ കിടപ്പു മുറി ക്ളീന് ചെയ്യുന്നതിനിടെ മാനഭംഗപ്പെടുത്തകയായിരുന്നു എന്നാണ് പരാതി. സംഭവത്തിനു ശേഷം പരാതി ആയെന്നറിഞ്ഞതോടെ ഇയാള് അമേരിക്കയിലേയ്ക്ക് കടക്കുകയായിരുന്നു. അതിനിടെ ബ്ളാക്ക് മെയില് ചെയ്യുകയാണ് പരാതിക്കാരിയുടെ ലക്ഷ്യമെന്നാരോപിച്ച് പ്രവാസിയുടെ ബന്ധുക്കളും രംഗത്തെത്തി.
ലുക്ക് ഔട്ട് നോട്ടീസ് വഴി ഇയാളെ തിരികെ ഇന്ത്യയിലെത്തിക്കാമെന്ന പ്രതീക്ഷയിലാണ് പൊലീസ്. ഇടനിലക്കാരി സംസ്ഥാനത്തെ കുപ്രസിദ്ധ പെണ് വാണിഭ കേസുകളില് ജാമ്യമെടുത്ത് മുങ്ങി നടക്കുന്ന ആളാണ്. ഇവരെ കണ്ടെത്താനുളള ശ്രമവും പൊലീസ് നടത്തുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha