സിപിഎമ്മിനെ വെട്ടിലാക്കി രാജ്യസഭാ തിരഞ്ഞെടുപ്പ് പ്രഖ്യാപിച്ചു
സിപിഎമ്മിനെ വെട്ടിലാക്കി രാജ്യസഭാ തിരഞ്ഞെടുപ്പു വിജ്ഞാപനമിറങ്ങി. വിശാഖപട്ടണത്തു പാര്ട്ടി കോണ്ഗ്രസ് നടക്കുമ്പോഴാണ് ഇവിടെ രാജ്യസഭാ തിരഞ്ഞെടുപ്പു നിശ്ചയിച്ചിരിക്കുന്നത്. ഏപ്രില് 14 മുതല് 19 വരെയാണു പാര്ട്ടി കോണ്ഗ്രസ്. തിരഞ്ഞെടുപ്പ് 16 നും.
പ്രതിപക്ഷ നേതാവ് വി.എസ്. അച്യുതാനന്ദന്, ഉപനേതാവ് കോടിയേരി ബാലകൃഷ്ണന്, പൊളിറ്റ് ബ്യൂറോ അംഗം എം.എ. ബേബി തുടങ്ങിയവരെല്ലാം നിയമസഭാംഗങ്ങളാണ്. ഇപ്പോഴത്തെ നിലയില്, ഇവര്ക്കെല്ലാം പാര്ട്ടി കോണ്ഗ്രസ് വേദിയിലെത്തിയ ശേഷം തിരിച്ചു കേരളത്തിലേക്ക് ഒറ്റ ദിവസത്തേക്കു മടങ്ങിവരേണ്ടിവരും.
ഇപ്പോഴത്തെ സാഹചര്യത്തില് അവരില് ഭൂരിഭാഗം പേരും വോട്ടെടുപ്പിനെത്താതിരിക്കുക എന്ന സ്ഥിതി ഉണ്ടാകാന് സാധ്യതയില്ല. എംഎല്എമാര് എല്ലാവരും തന്നെ തിരഞ്ഞെടുപ്പിനെത്തി വോട്ടു ചെയ്യും എന്ന വിശദീകരണമാണു പാര്ട്ടി കേന്ദ്രങ്ങള് നല്കിയത്. പെട്ടെന്നുണ്ടായ പൊല്ലാപ്പു മറികടക്കാനുള്ള ചര്ച്ചകള് സിപിഎമ്മില് തുടങ്ങിയിട്ടേയുള്ളൂ.പാര്ട്ടി കോണ്ഗ്രസിനു ശേഷമെ തിരഞ്ഞെടുപ്പ് ഉണ്ടാകൂ എന്നായിരുന്നു സിപിഎമ്മിന്റെ കണക്കുകൂട്ടല്. അതിനാല് സ്ഥാനാര്ഥിയെ സംബന്ധിച്ചു ഗൗരവമുള്ള ആലോചന പോലും പാര്ട്ടിയില് നടന്നിട്ടില്ല.
പ്രതിപക്ഷ അംഗബലം കണക്കാക്കുമ്പോള് എല്ഡിഎഫിന് ഒരാളെ വിജയിപ്പിക്കാനേ കഴിയൂ. സിപിഎം സ്ഥാനാര്ഥിയുമായിരിക്കും അത്. സിപിഎമ്മിനു സഭയില് 44 അംഗങ്ങളുണ്ട്. അതില് ഭൂരിപക്ഷം പേരും പാര്ട്ടി കോണ്ഗ്രസ് പ്രതിനിധികളാണ്. യുഡിഎഫിനു നേരിയ ഭൂരിപക്ഷം മാത്രമുള്ളപ്പോള് രാജ്യസഭാതിരഞ്ഞെടുപ്പ് രാഷ്ട്രീയ ബലാബലമായി വളര്ത്തിയെടുക്കേണ്ട ബാധ്യത പ്രതിപക്ഷത്തെ മുഖ്യകക്ഷിയായ സിപിഎമ്മിനുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha