ശിവദാസന് നായര് കടി ഇരന്നു വാങ്ങുകയായിരുന്നുവെന്ന് ജമീലാപ്രകാശം എംഎല്എ
തന്നെ ബലമായടി പിടിച്ച് നിര്ത്തിയ ശിവദാസന് നായര് കടി ഇരന്നു വാങ്ങുകയായിരുന്നുവെന്ന് ജമീല പ്രകാശം എംഎല്എ. ആറന്മുളയില് ഇടതുപക്ഷ വനിതാ സംഘടനകള് സംഘടിപ്പിച്ച പ്രതിഷേധ യോഗം ഉദ്ഘാടനം ചെയ്യുകയായിരുന്നു ജമീല പ്രകാശം. പിന്നില്നിന്ന് ഒരു പുരുഷന് കടന്നു പിടിച്ചാലുള്ള സ്ത്രീയുടെ പ്രതിപ്രവര്ത്തനമായിരുന്നു ആ കടി. എന്നെ വിടാന് ഞാന് ശിവദാസന് നായരോടു പറഞ്ഞതാണ്. ഫലമുണ്ടായില്ല. അപ്പോള് ഞാന് കടിക്കുമെന്ന് ചിരിച്ചുകൊണ്ടു ഞാന് പറഞ്ഞു. കടിക്കെടീ എന്നായിരുന്നു മറുപടി. കടി കൊണ്ടിട്ടും അവര് ഉന്തും തള്ളും നിര്ത്തിയില്ല. അതുകൊണ്ടരിശം തീരാതെ ശിവദാസന് നായര് \'ചാര്ജ് ചെയ്തു. തള്ളിനിടയില് ശിവദാസന് നായര് എന്റെ ദേഹത്തേക്കു വീണു. ഞാന് മറ്റു വനിതാ അംഗങ്ങളുടെ മേലേക്കും വീണു.
താന് കെ. ശിവദാസന് നായരെ കടിച്ചതു ലോകം മുഴുവന് കണ്ടതില് വിഷമമില്ലെന്നും എന്നാല് എന്നെ പിന്നില്നിന്നു കടന്നു പിടിച്ചതു കണ്ടതിലാണു വിഷമമെന്നും ജമീല പ്രകാശം എംഎല്എ പറഞ്ഞു.
വാച്ച് ആന്ഡ് വാര്ഡ് ഞങ്ങളുടെ കാലില് ചവിട്ടി ഞെരിച്ചു. അവരില് ഒരാളെ ഞാന് മുതുകില് ഇടിച്ചു. എന്നിട്ടും അയാള് മാറിയില്ല. വേദന സഹിക്കാന് കഴിയാതെ ചെയ്തുപോയതാണ്. ഇതില് നിന്നും പതിപക്ഷത്തെ പുരുഷ എംഎല്എമാരാണ് ഞങ്ങളെ രക്ഷിച്ചത്. സ്ത്രീകളെ ആക്രമിച്ചതിനോട് അവര് പ്രതികരിച്ചു. അവര് ഒരു ലാപ്ടോപ്പും ചെറിയ മൈക്കുമല്ലേ എടുത്തെറിഞ്ഞുള്ളൂ? സ്പീക്കറുടെ കസേര നല്ല ഈട്ടിത്തടിയാണ്. തള്ളിയിട്ടിട്ടും അതിനൊരു കുഴപ്പവുമില്ല. പൊടി തട്ടിയാല് ഇനിയും ഉപയോഗിക്കാം. അഞ്ചു ലക്ഷം രൂപയുടെ നഷ്ടം കണക്കാക്കിയെന്നു പറയുന്നു. ഞങ്ങള് നേരിട്ട ആക്രമണത്തിന് ആരു വിലയിടും?നിയമസഭയില്നിന്നു മുന്പ് നഷ്ടമായ കംപ്യൂട്ടറുകളുടെ വില ആരില്നിന്ന് ഈടാക്കി? - ജമീല പ്രകാശം ചോദിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha