ഗോവിന്ദ ചാമി കിടന്നിടത്ത് കോടീശ്വരന്; കണ്ണൂര് ജയിലില് ഏകനായി നിസാം; വന്നത് പ്ലാസ്റ്റിക് കവറും പിടിച്ച്, കുറ്റപത്രം ഉടന് സമര്പ്പിക്കാന് പോലീസ്
ദൈവത്തിന്റെ ഓരോരോ കളി പോലെ ചന്ദ്രബോസ് കൊലക്കേസ് പ്രതി മുഹമ്മദ് നിസാമിനെ കാത്തിരുന്നത് സൗമ്യ വധക്കേസിലെ പ്രതിയായ ഗോവിന്ദചാമിയുടെ സെല്. കാപ്പ ചുമത്തിയ സാഹചര്യത്തിലാണ് നിസാമിനെ വിയ്യൂര് ജയിലില് നിന്ന് കണ്ണൂര് സെന്റട്രല് ജയിലിലേക്ക് മാറ്റിയത്. ഞായറാഴ്ച വൈകിട്ട് മൂന്നേകാലോടെയാണ് കണ്ണൂരിലെത്തിച്ചത്. വധശിക്ഷ കാത്തുകിടക്കുന്ന ഗോവിന്ദച്ചാമിയുടെ സെല്ലിലാണ് നിസാമിനെ അടച്ചത്. ഗോവിന്ദച്ചാമിയെ മറ്റൊരു സെല്ലിലേക്ക് മാറ്റി.
അതേസമയം ചന്ദ്രബോസ് കൊലക്കേസിലെ കുറ്റപത്രം ഈമാസം തന്നെ സമര്പ്പിക്കും.
കുറ്റപത്രം നല്കുന്നതുമായി ബന്ധപ്പെട്ട കാര്യങ്ങളുടെ മേല്നോട്ടത്തിനായി സ്പെഷല് പ്രോസിക്യൂട്ടര് സി.പി. ഉദയഭാനു തൃശൂരിലെത്തി. തിങ്കള്, ചൊവ്വ, ബുധന് ദിവസങ്ങളിലായി കേസ് ഡയറി പരിശോധിക്കുമെന്നും ഇതിനായി അന്വേഷണ ഉദ്യോഗസ്ഥരെ കൊച്ചിയിലേക്ക് വിളിപ്പിച്ചിട്ടുണ്ടെന്നും അദ്ദേഹം അറിയിച്ചു. അന്വേഷണ സംഘത്തിലെ എല്ലാവരുമായും ചര്ച്ച നടത്തുകയും രേഖകള് പരിശോധിക്കുകയും ചെയ്തു. കൃത്യം നടന്ന ശോഭാ സിറ്റിയും പേരാമംഗലം പൊലീസ് സ്റ്റേഷനില് സൂക്ഷിച്ച അക്രമത്തിനുപയോഗിച്ച ജീപ്പും പരിശോധിച്ചു.
പിന്നീട് മണലൂരിലെ കാരമുക്കില് ചന്ദ്രബോസിന്റെ വസതിയിലത്തെി കുടുംബാംഗങ്ങളെയും കണ്ടു. കാപ്പാ നിയമം ചുമത്തിയതു കൊണ്ട് സ്വന്തം ജില്ലയിലെ ജയിലില് നിസാമിനെ പാര്പ്പിക്കാന് കഴിയില്ല. ഈ സാഹചര്യത്തിലാണ് കണ്ണൂരിലേക്ക് മാറ്റിയത്. പത്താം ബ്ലോക്കിലെ ആദ്യകെട്ടിടത്തിലെ ഒന്നാംനമ്പര് സെല്ലിലാണ് നിസാമിനെ അടച്ചിട്ടുള്ളത്. പ്രത്യേക നിരീക്ഷണം ആവശ്യമുള്ള തടവുകാരെയാണ് ഇവിടെ താമസിപ്പിക്കുക. ഗോവിന്ദച്ചാമിയെ ഇതേ ബ്ലോക്കിലെ രണ്ടാംനമ്പര് സെല്ലിലേക്കാണ് മാറ്റിയത്.
ചന്ദ്രബോസ് വധക്കേസ് അടക്കം മൂന്നു കേസുകളാണ് നിസാമിന്റെ പേരിലുള്ളത്. വനിതാ എസ്.ഐ.യെ ഭീഷണിപ്പെടുത്തിയതിന്റെ പേരില് തൃശ്ശൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി (ഒന്ന്), അപകടകരമായ വിധം വാഹനം ഓടിച്ചതിനും പൊലീസുകാരെ ഭീഷണിപ്പെടുത്തിയതിനും ബെംഗളൂരു കബന് പാര്ക്ക് അഡീഷണല് ചീഫ് മെട്രോപോളിറ്റന് മജിസ്ട്രേറ്റ് കോടതി എന്നിവയുടെ വാറന്ഡും കാപ്പ ചുമത്തിയതിന്റെ വിവരങ്ങളും ജയിലധികൃര്ക്ക് കൈമാറി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha