യുഡിഎഫ് എംഎല്എമാര്ക്കെതിരെ ഇടതുപക്ഷ വനിതാ എംഎല്എമാര് ഡിജിപിക്ക് പരാതി നല്കി
നിയമസഭയില് തങ്ങളെ എംഎല്എരെ അപമാനിച്ച യുഡിഎഫ് എംഎല്എമാര്ക്കെതിരെ ഇടതുപക്ഷ വനിതാ എംഎല്എമാര് ഡിജിപിക്ക് പരാതി നല്കി. കെ. ശിവദാസന് നായര്, എം. എ. വാഹിദ്, എ.ടി. ജോര്ജ്, ഡൊമനിക്ക് പ്രസന്റേഷന് എന്നിവര്ക്കെതിരെ കെ.കെ. ലതിക, കെ.എസ്. സുലേഖ, അയിഷ പോറ്റി, ജമീല പ്രകാശം എന്നിവരാണ് പരാതി നല്കിയിരിക്കുന്നത്.
ശിവദാസന്നായര് ദുഷ്ടവിചാരത്തോടെ തന്റെ ശരീരത്തില് സ്പര്ശിക്കുകയായിരുന്നെന്നും ഇതുവഴി താന് അപമാനിക്കപ്പെട്ടന്നും, നടപടി വേണമെന്നും ജമീല പ്രകാശം നല്കിയ പരാതിയില് വ്യക്തമാക്കുന്നു.
ഡിജിപിക്ക് ജമീലപ്രകാശം നല്കിയ പരാതിയുടെ പൂര്ണരൂപം
എന്റെ ശരീരത്തില് സ്പര്ശിക്കുകയും അതുവഴി എന്റെ സ്ത്രീത്വത്തെ അപമാനിക്കുകയും ചെയ്യുക എന്ന ദുഷ്ടവിചാരത്തോടെ ശിവദാസന്നായര് പുറകിലൂെട വന്ന് വലതുകൈ കൊണ്ട് എന്റെ അരക്കെട്ടില് പിടിക്കുകയും, വലത് കാല്കൊണ്ട് പിന്നിലൂടെ അമര്ത്തുകയും ചെയ്തു. ഇതുകൂടാതെ അനങ്ങാന് കഴിയാത്തവിധം തടസം ചെയ്തും എന്നെ ശാരീരികമായും മാനസികമായും പീഡിപ്പിച്ചു.
ഒരു വനിതാ അംഗമെന്ന നിലയില് എന്റെ സഭയിലെ സഞ്ചാര സ്വാതന്ത്ര്യത്തെ തടസപ്പെടുത്താന് ശിവദാസന്നായര്ക്കെന്നല്ല ആര്ക്കും അവകാശമില്ല. ഇക്കാരണത്താല് ശിവദാസന്നായര്ക്കെതിരെ നപടിയെടുക്കണം.
നിയമസഭയില് ഉണ്ടായ അക്രമത്തില് താഴെവീഴുകയും അക്രമത്തില് മാനഹാനിയും മനോവിഷമവും ഉണ്ടായെന്നുമാണ് ഐഷാപോറ്റിയുടെ പരാതിയില് പറയുന്നത്. മറ്റ് വനിതാ എംഎല്എമാരുടെ പരാതിയും സമാനസ്വഭാവത്തിലുള്ളതാണ്.
തനിക്കെതിരെ മോശമായ വാക്കുകള് ഉപയോഗിച്ച എം.എ. വാഹിദ് എംഎല്എയ്ക്കെതിരെ നടപടിയെടുക്കണമെന്നാവശ്യപ്പെട്ട് ബിജിമോള് എംഎല്എ നേരത്തെ ഡിജിപിക്ക് പരാതി നല്കിയിരുന്നു. നിയമോപദേശം തേടിയശേഷം പോലീസ് വാഹിദ് എംഎല്എയ്ക്കതെിരെ കേസെടുത്തിരുന്നു. 354 എ 14 വകുപ്പനുസരിച്ചാണ് കേസെടുത്തത്. ഇതിനുപിന്നാലെ വി. ശിവന്കുട്ടി എംഎല്എയും ഡിജിപിക്ക് പരാതി നല്കി. നിയമസഭയില് വനിതാ അംഗങ്ങള്ക്കെതിരെ ഉണ്ടായ അക്രമം അന്വേഷിക്കണമെന്നാണ് ശിവന്കുട്ടി എംഎല്എയുടെ പരാതിയിലെ ആവശ്യം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha