ബാര് കേസ്: വിധി മാര്ച്ച് 31നകം; മദ്യനയം മാറിയേക്കും
ബാര് കേസില് ഹൈക്കോടതിയില് സര്ക്കാരിന്റെ വാദം പൂര്ത്തിയായി. കേസില് മാര്ച്ച് 31നകം വിധി പ്രസ്താവിക്കുമെന്ന് കോടതി ബഞ്ച് വ്യക്തമാക്കി. സമ്പൂര്ണ മദ്യ നിരോധനമോ ഉദാരമദ്യനയമോ അല്ല സര്ക്കാരിന്റെ ലക്ഷ്യമെന്നും മദ്യഉപഭോഗത്തിന് നിയന്ത്രണം ഏര്പ്പെടുത്തുകയാണ് ലക്ഷ്യമെന്നും സര്ക്കാരിനു വേണ്ടി ഹാജരായ അഭിഭാഷകന് കപില് സിബല് രാവിലെ കോടതിയില് വ്യക്തമാക്കിയിരുന്നു.
ബാര് ലൈസന്സ് കാലാവധി മാര്ച്ച് 31ന് അവസാനിക്കുന്ന സാഹചര്യത്തില് കോടതി വിധി വൈകിയാല് വീണ്ടും നിയമപ്രശ്നങ്ങള്ക്ക് ഇടയാക്കുമെന്ന ആശങ്ക ഉയര്ന്ന സാഹചര്യത്തിലാണ് കോടതി നിലപാട് അറിയിച്ചത്.സംസ്ഥാനത്ത് മദ്യ ഉപഭോഗം കൂടിവരുന്നതായാണ് ഏകാംഗ കമ്മീഷന്റെ റിപ്പോര്ട്ട്. ഇതേതുടര്ന്നാണ് ഉപഭോഗം കുറയ്ക്കാന് നടപടി സ്വീകരിക്കുന്നതെന്നും സര്ക്കാര് കോടതിയില് അറിയിച്ചു.
അതേസമയം, മദ്യനയത്തില് മാറ്റമുണ്ടാകുമെന്ന സൂചനയും സര്ക്കാര് കോടതിയില് നല്കി. മദ്യനയത്തില് കാലോചിത മാറ്റങ്ങള് ഉണ്ടാകുന്നത് സ്വാഭാവികമാണ്. പുതിയ വസ്തുതകളുടെ അടിസ്ഥാനത്തില് മാറ്റങ്ങളുണ്ടാകും. മദ്യനയത്തെ ചോദ്യം ചെയ്യാന് ആര്ക്കും അവകാശമുണ്ട്. ഏകാംഗ കമ്മീഷന്റെ പഠന റിപ്പോര്ട്ടിന്റെ കൂടി അടിസ്ഥാനത്തിലായിരിക്കും മാറ്റമെന്നും സര്ക്കാര് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha