ഒടുവില് പുറത്തേക്ക്
എന്നും വിരുദ്ധ നിലപാടുകള്. പാളയത്തില് പടയൊരുക്കി സഹപ്രവര്ത്തകരെ പ്രതിരോധത്തിലാക്കി രസിക്കുന്ന മൃഗീയ വിനോദം. മാധ്യമ വാര്ത്തകള്ക്കുവേണ്ടി എന്തും ചെയ്യുന്ന പ്രകൃതം. എല്.ഡി.എഫ്. മുന്നണിയെ കഴിഞ്ഞ ഭരണകാലത്ത് ശിഥിലമാക്കാന് മുന്നിരയില് നിന്ന പി.സി. ജോര്ജ് ഒടുവില് നടുക്കടലിലേക്ക്.
പിണറായി മുതലാളിയെന്നു പറഞ്ഞ് സി.പി.എം. പാര്ട്ടി സെക്രട്ടറിയെ എല്.ഡി.എഫ്. ക്യാമ്പിലിരുന്നുകൊണ്ടു തന്നെ അധിക്ഷേപിക്കാന് ചങ്കൂറ്റം കാട്ടിയത് അച്യുതാനന്ദനുമായുള്ള ചങ്ങാത്തം. ഒടുവില് ആ അച്യുതാനന്ദനെ പരസ്യമായി തള്ളിപ്പറഞ്ഞുകൊണ്ട് കൂടെ നിന്നവനിട്ടുതന്നെ ചവിട്ടു കൊടുത്തു ജോര്ജ്ജ്. ഇടതുപക്ഷ മുന്നണിയില് മന്ത്രിസ്ഥാനം ലഭിച്ചില്ല എന്ന പിണക്കത്തില് തുടങ്ങിയതാണ്. ഒടുവില് മുന്നണിയെ ചതിച്ച് തന്ത്രപൂര്വ്വം കേരളാ കോണ്ഗ്രസ് ക്യാമ്പിലെത്തി.
ഉമ്മന്ചാണ്ടിയേയും, രമേശിനെയും കൂട്ടുപിടിച്ച് കെ.എം. മാണിയുടെയടുക്കല് തിരിച്ചെത്തിയപ്പോള് ബൈബിളിലെ ധൂര്ത്ത പുത്രനെപ്പോലെ കെ.എം. മാണി ജോര്ജ്ജിനെ കൂടെക്കൂട്ടി. കെ.എം. മാണിയുടെ ജീവിതത്തില് സംഭവിച്ച ഏറ്റവും വലിയ രാഷ്ട്രീയ പാളിച്ച. തുടര്ന്ന് അധികാരത്തിലെത്തിയ യു.ഡി.എഫ്. മന്ത്രിസഭയില് മന്ത്രിയാകാന് കഴിയാതെ വന്നപ്പോള് കാലും കൈയ്യും വീശി കോണ്ഗ്രസിനെയും കേരളാ കോണ്ഗ്രസ് നേതൃത്വത്തെയും ആക്രമിക്കാന് ഇറങ്ങിത്തിരിച്ചു ജോര്ജ്ജ്. തെരഞ്ഞെടുപ്പിന് തൊട്ടുമുമ്പ് പി.ജെ. ജോസഫ് വിഭാഗത്തെ കൂടെ കൂട്ടാനൊരുങ്ങിയപ്പോള് നഖശിഖാന്തം എതിര്ത്തു. പി.സി. ജോര്ജിന്റെ എതിര്പ്പു വകവയ്ക്കാതെ ജോസഫ് വിഭാഗത്തെ ഒപ്പം ചേര്ത്തപ്പോള് പി.സി. ജോര്ജിന് കെ.എം. മാണിയോട് വൈരാഗ്യമായി.
കെ എം മാണിയെ തളര്ത്തുക വഴി പാര്ട്ടി പിടിച്ചെടുക്കുക എന്ന ലക്ഷ്യത്തോടെ ജോര്ജ്ജ് നീങ്ങുന്ന കാഴ്ചയാണ് പിന്നീട് കണ്ടത്. കെ എം മാണിക്കു ശേഷം ജോസ് കെ മാണി എന്ന തുറുപ്പു കാര്ഡിറക്കി പാര്ട്ടിയിലെ അസംതൃപിതരെ കൂടെ നിര്ത്തുക. മുമ്പ് പിണറായിക്കെതിരെയും പിന്നീട് ഉമ്മന് ചാണ്ടിക്കും എതിരെ പ്രയോഗിച്ച തന്ത്രം അഴിമതിയാരോപണം. ഒളിഞ്ഞും തെളിഞ്ഞും അഴിമതിക്കഥകള് പ്രചരിപ്പിച്ച് അതിനു വിശ്വാസ്യത വരുത്തുക. തുടങ്ങിയവയാണ് ജോര്ജ്ജിന്റെ പതിവു ശൈലി. ബാര് കോഴ ആരോപണവും കൊല്ലത്ത് ബാര് ഹോട്ടല് അസോസിയേഷന് പ്രസിഡന്റ് ഉണ്ണിയും പി. സി. ജോര്ജ്ജും തമ്മില് നടന്ന കൂടിക്കാഴ്ചയില് നിന്നാണ് ഉത്ഭവിക്കുന്നത്. പരസ്യമായി ബിജു രമേശിനെ ചാനലുകളില് വിമര്ശിച്ചപ്പോഴും പി. സി. ജോര്ജ്ജ് മാണിക്കെതിരെ നീങ്ങാന് ബിജു രമേശിനെ പ്രകോപിപ്പിച്ചു.
യുഡിഎഫ് മന്ത്രി സഭാ രൂപീകരണം മുതല് മുന്നണിയെ ശിഥിലമാക്കുന്ന നടപടികളാണ് ജോര്ജ്ജ് കൈ ക്കൊണ്ടിരുന്നത്. കോണ്ഗ്രസ് നേതാക്കളെ പരസ്യമായി വിമര്ശിച്ച് മുന്നണിയില് പ്രശ്നങ്ങള് സൃഷ്ടിച്ചു. കെ എം മാണിക്കു ശേഷം ജോസ് കെ മാണി പാര്ട്ടിയുടെ നേതൃത്വം ഏറ്റെടുക്കുമോ എന്നു ഭയപ്പെട്ട ജോര്ജ്ജ് പാര്ലമെന്റ് തെരഞ്ഞെടുപ്പിന് മുമ്പ് കോട്ടയത്ത് ജോസ് കെ മാണിയെ പരാജയപ്പെടുത്തുക എന്ന ലക്ഷ്യത്തോടെ ആന്റോ ആന്റണിക്കെതിരെയും തിരുവഞ്ചുരിനെതിരെയും നിരന്തരം പ്രസ്താവനകള് നടത്തി. വ്യക്തിപരമായ താത്പര്യങ്ങള്ക്ക് തിരുവഞ്ചൂരും ഗണേഷ് കുമാറും എതിരു നിന്നപ്പോള് അവര്ക്കെതിരെ ഗൂഢാലോചന നടത്തി ആരോപണങ്ങള് ഉന്നയിച്ചു. പരസ്ത്രീ ബന്ധം ഉന്നയിച്ച് ഗണേഷ് കുമാറിനെ മന്ത്രി സഭയില് നിന്നും പുറത്താക്കാന് വരെ ജോര്ജ്ജിന് കഴിഞ്ഞു.
സോളാര് ആരോപണത്തില് ഉമ്മന്ചാണ്ടിയെ പ്രതിസ്ഥാനത്തു നിര്ത്താനും മുഖ്യമന്ത്രിയെ അഴിമതിക്കാരനായി ചിത്രീകരിക്കാനും നിരവധി ശ്രമങ്ങള് നടത്തി.
ഒടുവില് ബാര് കോഴ ഗൂഡാലോചനയിലൂടെ പാര്ട്ടിയെ വഞ്ചിച്ച് നടുക്കടലിലെത്തിച്ചു. പാര്ട്ടിക്കാര് ജോര്ജ്ജിനെ ഒടുവില് നടുക്കടലില് തള്ളിയിട്ടു വഞ്ചിയുമായി കടന്നു കളഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha