അരിയില് മായം ചേര്ത്താല് കടുത്ത നടപടിയെടുക്കുമെന്ന് ഭക്ഷ്യമന്ത്രി
സംസ്ഥാനത്ത് അരിയില് മായം ചേര്ക്കുന്ന കമ്പനികള്ക്ക് നേരെ ശക്തമായ നടപടിയെടുക്കുമെന്ന് ഭക്ഷ്യമന്ത്രി അനൂപ് ജേക്കബ് പറഞ്ഞു. പ്ളാസ്റ്റിക് അരി ഉള്പ്പെടെ വില്ക്കുന്ന കമ്പനികളുടെ ലൈസന്സ് ആറ് മാസത്തേക്ക് റദ്ദാക്കാന് ഭക്ഷ്യ സുരക്ഷാ ഉദ്യോഗസ്ഥര്ക്ക് നിര്ദ്ദേശം നല്കിയിട്ടുണ്ടെന്നും അദ്ദേഹം അറിയിച്ചു.
കേരളത്തിന് അധിക ഭക്ഷ്യധാന്യം അനുവദിക്കണമെന്ന് കേന്ദ്ര ഭക്ഷ്യമന്ത്രി രാംവിലാസ് പാസ്വാനെ കണ്ട് അനൂപ് ജേക്കബ് ആവശ്യപ്പെട്ടു. 2015-16 വര്ഷത്തേക്ക് 12.26 ലക്ഷം മെട്രിക് ടണ് ഭക്ഷ്യധാന്യമാണ് അനുവദിച്ചിട്ടിള്ളത്. എന്നാല് 16.66 ലക്ഷം ടണ് കേരളത്തിന് അത്യാവശ്യമാണെന്ന് അദ്ദേഹം ചൂണ്ടിക്കാട്ടി. ഭക്ഷ്യസുരക്ഷാ നിയമം നടപ്പാക്കുമ്പോള് പഞ്ചസാരയുടെ വിഹിതം 6192 മെട്രിക് ടണ്ണായി ഉയര്ത്തണം. സംസ്ഥാനത്തെ 1001 അനാഥാലയങ്ങളിലെ 50865 അന്തേവാസികള്ക്കായി 254.32 മെട്രിക് ടണ് അരിയും 101.73 മെട്രിക് ടണ് ഗോതമ്പും ആവശ്യമാണെങ്കിലും കേന്ദ്രം അനുവദിക്കുന്നത് 148.55 മെട്രിക് ടണ് അരി മാത്രമാണ്. ഗോതമ്പിന്റെ അളവും കുറവാണ്. ഇക്കാര്യത്തിലും കേന്ദ്ര ഇടപെടല് മന്ത്രി ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha